Gwefan llywodraeth y DU

• Rwy'n ystyried rhoi fy mhlentyn i'w fabwysiadu - a oes rhywun y galla i siarad â nhw am hyn?
• Ga'i drefnu i fabwysiadu'n breifat fy hun?
• Pa gwestiynau y bydd y gweithiwr cymdeithasol yn eu gofyn i mi?
• Beth yw'r camau mabwysiadu?
• Nid wyf am i fy mhlentyn gael ei fabwysiadu - beth alla'i ei wneud?
• A oes modd diddymu gorchymyn mabwysiadu?
• Alla'i gadw mewn cysylltiad â'm plentyn ar ôl iddo gael ei fabwysiadu?
• Gwn y bydd fy mhlentyn yn cael cyfenw newydd ar ôl iddo gael ei fabwysiadu - sut y bydd yn gwybod ei gyfenw gwreiddiol?
• A fydd fy mhlentyn yn gallu dod o hyd i mi ar ôl cael ei fabwysiadu?

I gael atebion i'r holl gwestiynau hyn, cliciwch ar y ddolen isod.

Deddf Mabwysiadu a Phlant 2002

Mae'r Ddeddf newydd, a ddaw i rym ar 30 Rhagfyr 2005, yn diweddaru'r gyfraith fabwysiadu. Mae'n rhoi anghenion y plentyn cyn dim byd arall - bydd yr hyn sydd orau iddyn nhw'n cael ei ystyried yn bwysicach na dymuniadau'r oedolion dan sylw.

Os ydych chi'n berthynas i blentyn sydd, o bosib, yn mynd i gael ei fabwysiadu, neu sydd wedi cael ei fabwysiadu, mae'n debyg y bydd gennych lwyth o gwestiynau. Mae'r taflenni isod yn esbonio'r broses fabwysiadu ac yn rhoi manylion am ffynonellau help a chyngor pellach.

Mae'r Ddeddf newydd hefyd yn rhoi hawl newydd i oedolion sydd wedi cael eu mabwysiadu a'u perthnasau gwaed i ofyn am wasanaeth canoli er mwyn olrhain perthynas waed a gweld a fyddai rhywun yn dymuno creu cysylltiad. Mae'r daflen isod yn esbonio beth i'w wneud os ydych am olrhain perthynas waed neu am warchod eich preifatrwydd.

• Download canllawiau i berthnasau plentyn a fabwysiadwyd am y newidiadau yn y gyfraith fabwysiadu (PDF, 333K)
• Download canllawiau i rieni plentyn a fabwysiadwyd neu blentyn a all gael ei fabwysiadu am y newidiadau yn y gyfraith fabwysiadu (PDF, 337K)
• Download cyngor i oedolion a fabwysiadwyd sy'n dymuno olrhain eu teulu gwaed (PDF, 365K)
• Cymorth gyda ffeiliau PDF