Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Bwyta'n iach ar gyfer plant dan bump oed

Rhwng cael eu diddyfnu oddi ar laeth a chyrraedd pump oed, mae plant yn tyfu'n hynod o gyflym ac yn fywiog iawn. Oherwydd hyn, mae'n bwysig sicrhau bod eu deiet yn iach, sy'n golygu monitro faint o galorïau, bwyd a maeth a fwyteir.

Llaeth a bwyd

Mae'n bwysig bod gan eich plentyn ddeiet sy'n rhoi digon o galorïau a maeth iddo. Mae ar blant ifanc, yn enwedig y rhai hynny o dan ddwy oed, angen llaeth braster llawn, iogwrt a chaws, yn hytrach na rhai braster isel.

Hyd nes bydd eich plentyn yn dair oed, bydd arno angen o leiaf hanner peint (250-300ml) o laeth y diwrnod (llaeth y fron/fformiwla ar gyfer plant o dan flwydd oed a llaeth buwch braster llawn neu gyfuniad o'r ddau i blant blwydd oed a hwn).

O ran bwyd, dylech gynnwys y canlynol yn neiet eich plentyn. Drwy wneud hyn byddwch yn rhoi iddynt y fitaminau, y protein, y ffibr a'r mineralau y bydd eu hangen arnynt:

  • cynnyrch llaeth
  • bara, grawnfwydydd, reis, pasta a thatws
  • cig, wyau, ffa a lentils
  • pysgod olewog megis tiwna ffres, macrell, sardîns ac eog (dim mwy na phedwar dogn yr wythnos i fechgyn a dau ddogn i ferched)
  • ffrwythau a llysiau

Erbyn i'ch plentyn gyrraedd pum mlwydd oed fe ddylai fod yn bwyta'r un bwydydd â gweddill y teulu. Fodd bynnag, dylech sicrhau nad yw eu deiet yn cynnwys gormod o fraster dirlawn, a geir mewn menyn a phethau tebyg, cynnyrch cig yn cynnwys llawer o fraster, bisgedi a chacennau. Pethau eraill y dylech geisio'u hosgoi yw:

  • wyau amrwd a bwydydd sy'n cynnwys wyau sydd heb eu coginio'n llwyr
  • cnau cyfan neu wedi'u malu (i osgoi'r perygl o dagu)
  • siarc, pysgodyn cleddyf neu farlin (maent yn cynnwys lefelau uchel o fercwri)
  • pysgod cregyn amrwd
  • bwydydd sy'n cynnwys lefelau uchel o halen, a bwydydd a diodydd sy'n cynnwys lefelau uchel o siwgr

Argymhellir rhoi diferion o fitaminau A, C a D i blant hyd at bump oed. Gallwch gael y rhain o fferyllfa neu o ganolfannau iechyd plant. Os ydych yn gymwys i gael help dan y Cynllun Bwyd Lles gallwch eu cael am ddim.

Gellir cael llaeth a fitaminau am ddim i blant o dan bump oed. Am fwy o wybodaeth am fudd-daliadau'r Bwyd Lles (gan gynnwys llaeth fformiwla, llaeth a fitaminau), ffoniwch linell gymorth y Cynllun Bwyd Lles ar 0800 056 2665.

Mwy o ddolenni defnyddiol

Gall plant ddysgu am o ble y daw bwyd a chael awgrymiadau ar fwyta’n iach yn yr adran DirectgovKids.

Yn yr adran hon...

Additional links

Allweddumynediad llywodraeth y DU