Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Os yw'ch plentyn yn anabl

Efallai y gwelwch fod gan eich plentyn gyflwr iechyd yn ystod sgan pan fyddwch yn feichiog, adeg y geni, neu efallai y sylwch ar rywbeth yn ymddygiad eich plentyn yn fuan wedi hynny.

Os canfyddir cyflwr eich plentyn yn ystod eich beichiogrwydd

Os bydd y sonograffydd (y gweithiwr proffesiynol sy'n gwneud y sgan) yn gweld unrhyw beth anghyffredin, dylai eich cyfeirio at feddyg o fewn 24 awr ac - os oes angen - at arbenigwr o fewn 72 awr. Bydd y meddygon hyn yn gallu dweud mwy wrthych am y cyflwr ac am driniaethau posib.

Os canfyddir bod gan eich plentyn gyflwr adeg y geni

Bydd y pediatrydd (meddyg sy'n arbenigo mewn gofal ar gyfer plant) yn yr ysbyty yn gallu dweud wrthych am gyflwr eich plentyn ac am driniaeth bosib. Os yw'n gyflwr anghyffredin efallai y bydd y pediatrydd yn eich cyfeirio at arbenigwr. Bydd y pediatrydd yn gallu ateb y rhan fwyaf o'ch cwestiynau. Yna bydd yn ysgrifennu adroddiad ac yn ei anfon at eich meddyg teulu.

Dylech gael manylion cyswllt rhywun a all ateb unrhyw gwestiynau sydd gennych ar ôl eich trafodaeth gyntaf gyda'r pediatrydd. Gallai hyn fod mewn cyfarfod gydag arbenigwr neu feddyg arall yn yr ysbyty, eich meddyg lleol neu'ch ymwelydd iechyd. Dylai cyfarfod dilynol gael ei drefnu hefyd.

Pan ganfyddir pa gyflwr sydd ar eich plentyn

Dylech bob amser gael y canlynol:

  • gwybodaeth ysgrifenedig am gyflwr eich plentyn
  • gwybodaeth am y gwasanaethau sydd ar gael i chi
  • cefnogaeth ymarferol ac emosiynol (ee sut mae bwydo'ch babi os ydych chi'n cael anhawster, a'r cyfle i siarad am eich teimladau)

Gallwch hefyd ofyn am ail farn os dymunwch.

Asesiadau

Pan fydd diagnosis wedi'i wneud ac y gwyddys pa gyflwr sydd ar eich plentyn, cynigir asesiad i'ch plentyn. Gallai hyn arwain at gefnogaeth ychwanegol, cymorth ariannol a mwy.

Hawliadau ariannol i rieni plentyn anabl

Bydd ystod o fudd-daliadau ar gael i chi pan fyddwch yn dod yn rhiant, a chewch fwy os yw'ch plentyn yn anabl. Dilynwch y dolenni isod i gael gwybod beth mae gennych hawl iddo.

Gwasanaeth Contact a Family

I gael cymorth a chyngor, gall rhieni plant anabl ffonio llinell gymorth Contact a Family ar 0808 808 3555 (rhwng 10am a 4pm o ddydd Llun i ddydd Gwener, a rhwng 5.30pm a 7.30pm ar nos Lun).

Mwy o ddolenni defnyddiol

Yn yr adran hon...

Allweddumynediad llywodraeth y DU