Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Bwydo o’r fron a bwydo o’r botel

Nid yw hi byth yn rhy gynnar i ystyried sut rydych chi am fwydo'ch plentyn. Ystyrir bwydo o'r fron yn well i'ch baban, ond nid dyma'r unig ffordd, a hwyrach y bydd yn well gan rai mamau fwydo o'r botel.

Pam fod bwydo o'r fron yn well i'ch baban

  • mae llaeth y fron yn naturiol - mae wedi'i gynllunio'n arbennig ar gyfer eich baban
  • mae llaeth y fron yn newid wrth i'ch baban dyfu fel ei fod yn cael yr union bethau y bydd eu hangen arno
  • mae bwydo o'r fron yn helpu i ddiogelu'ch babi rhag afiechydon oherwydd caiff gwrthgorffynnau eu pasio i'r llaeth
  • argymhellir bwydo o'r fron am y chwe mis cyntaf o fywyd y baban oherwydd ei fod yn rhoi'r holl faeth sydd ei angen ar y baban
  • mae babanod sy'n cael eu bwydo o'r fron bum gwaith yn llai tebygol o fynd i'r ysbyty gyda heintiau megis gastroenteritis a heintiadau anadlol
  • bydd hefyd yn help i rwystro eich baban rhag bod yn rhwym
  • mae babanod sy'n cael eu bwydo o'r fron yn llai tebygol o gael alergeddau megis ecsema
  • mae llaeth y fron yn cynnwys ffactorau twf a hormonau sy'n helpu i'ch baban ddatblygu
  • mae babanod sy'n cael eu bwydo o'r fron yn llai tebygol o ddod yn gordew pan fyddant yn plentyn hŷn

Pam fod bwydo o'r fron yn well i famau

  • mae bwydo o'r fron yn rhad ac am ddim
  • nid oes angen sterileiddio poteli, paratoi bwyd neu gadw eich baban i ddisgwyl
  • gallwch ei wneud unrhyw bryd, unrhyw le
  • mae bwydo o'r fron cymaint haws na bwydo gyda photel yng nghanol y nos
  • bydd eich croth yn dychwelyd i'w maint arferol yn gynt
  • byddwch yn defnyddio mwy o galorïau
  • mae bwydo o'r fron yn lleihau'r risg o gancr y fron mewn merched ar ddiwedd y mislif

Cofiwch:

Mae bwydo o'r fron yn sgil, ac mae'n rhaid ymarfer bob sgil newydd. Os hoffech fwydo o'r fron ond yn ei chael yn anodd, gofynnwch i'ch bydwraig am help neu ewch i weld cwnselydd bwydo o'r fron. Ceir rhestr isod o ddolennau lle gallwch gael help.

Bwydo o'r botel

Gall bwydo o'r botel ymddangos yn waith caled ar brydiau, ond unwaith y dewch i drefn byddwch yn gallu ymlacio a mwynhau bwydo.

Un fantais o fwydo o'r botel yw y gall tadau a gofalwyr fwydo eich baban gan roi tipyn o lonydd i chi. Gallwch ddefnyddio fformiwla neu roi llaeth o'r fron mewn potel i'ch baban. Gallwch ddefnyddio cyfuniad o laeth o'r fron wedi'i botelu a fformiwla. Byddai'r holl ddewisiadau hyn yn rhoi'r maeth sydd ei angen ar eich baban.

Cofiwch:

  • sicrhewch fod eich holl gyfarpar wedi'u sterileiddio - gallwch wneud eich baban yn sâl os yw'r botel yn fudur (cofiwch na allwch weld germau)
  • dilynwch y cyfarwyddiadau ar baced y fformiwla - peidiwch â chael eich temtio i roi llai neu fwy o fformiwla na'r hyn a argymhellir
  • profwch dymheredd y llaeth bob amser a pheidiwch â'i gynhesu yn y meicrodon - gallwch losgi ceg eich baban

Fformiwla soia, fformiwla babanod a Chychwyn Iach

Dim ond i fabanod sydd ag alergedd i laeth buwch neu ar gyngor eich meddyg yn unig y dylid rhoi fformiwla soia i fabanod. Mae'n bosibl bod gennych hawl i gael llaeth fformiwla yn rhad ac am ddim o dan y cynllun Cychwyn Iach.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU