Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Syndrom Marwolaeth Sydyn Babanod (SIDS)

Marwolaethau yn y crud neu SIDS (Sudden Infant Death Syndrome) yw pan fo plentyn (fel arfer o dan flwydd oed) yn marw yn ei gwsg. Nid oes rheswm meddygol dros pam y digwydd hyn ond mae sawl peth y gallwch ei wneud i leihau'r risg o farwolaeth yn y crud:

Cysgu ar y cefn

Rhowch eich babi i gysgu ar ei gefn - nid yw cysgu ar yr ochr mor ddiogel â chysgu ar y cefn, ac nid yw babanod iach sy'n cysgu ar eu cefnau mewn mwy o berygl o dagu. Hefyd, peidiwch â gadael i'ch babi fynd yn rhy boeth (neu'n rhy oer). Y tymheredd delfrydol i lofft babi yw 18 gradd Celsius.

Mae'n naturiol o fabanod tua phum neu chwe mis oed rowlio yn ystod y nos felly peidiwch â cheisio eu rhwystro rhag gwneud hynny, ond rhowch y babi yn ôl i gysgu ar ei gefn.

Rhoi'r gorau i ysmygu

  • mae hyn yn cynnwys pawb sy'n byw gyda chi
  • peidiwch â gadael i unrhyw un ysmygu yn yr un ystafell â'ch baban
  • peidiwch â rhannu gwely gyda'ch baban os ydych yn ysmygu

Traed at droed

Rhowch eich babi i orwedd gyda'i draed tuag at droed y crud neu'r pram, er mwyn ei atal rhag troi a throsi i lawr o dan y blancedi, a gosodwch y blancedi fel nad ydynt yn cyrraedd yn uwch na'i ysgwyddau. Dylid rhoi ymylon y blancedi lawr ochr y fatres fel na allant fynd dros ben y babi. Mae gan fabanod sy'n cael eu gorchuddio gan eu dillad gwely'n ddamweiniol fwy o siawns o farw yn y crud.

Rhowch eich babi i gysgu ar fatres sy'n gadarn, yn wastad, yn ffitio'n dda ac sy'n lân. Dylai'r tu allan i'r fatres fedru gwrthsefyll dŵr, megis PVC. Gorchuddiwch y fatres gyda chynfas sengl. Defnyddiwch gynfasau a blancedi ysgafn ond dim duvets, cwrlidau, nythod babanod, lletemau, dillad gwely neu obenyddion.

Cyd-gysgu

Mae'n well cadw cot eich babi yn eich ystafell am y chwe mis cyntaf. Er pa mor hyfryd yw cael eich babi gyda chi am fwythau neu i gael bwyd, rhowch eich baban yn ôl yn ei got cyn i chi fynd i gysgu. Y rheswm am hyn yw oherwydd bod cysylltiad rhwng rhannu gwely, soffa neu gadair freichiau i gysgu a marwolaeth yn y crud. Mae hyn yn arbennig o wir os ydych chi neu'ch partner:

  • yn ysmygwyr (lle bynnag neu bryd bynnag y byddwch yn ysmygu)
  • wedi yfed alcohol yn ddiweddar
  • wedi cymryd meddyginiaeth neu gyffuriau sy'n gwneud i chi gysgu'n drymach
  • yn flinedig iawn

Neu:

  • os ganwyd eich babi yn gynnar (fe'i ganed cyn ei fod yn 37 wythnos oes)
  • os oedd eich babi wedi'i eni danbwysau (llai na 2.5kg neu 5.5lb)
  • os yw'r babi o dan dair blwydd oed

Mae risg hefyd y gallwch rowlio a mygu eich babi yn eich cwsg, neu y gall eich baban rowlio ar y llawr o wely oedolyn a chael ei anafu.

Nid yw teclynnau monitro babanod yn atal marwolaeth yn y crud ond maent yn tawelu meddwl rhai rhieni.

Cofiwch fod marwolaethau yn y crud yn rhywbeth anghyffredin iawn, felly peidiwch â phoeni gormod - mae'n bwysig eich bod yn mwynhau misoedd cyntaf y babi.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU