Gwefan llywodraeth y DU

Manteision rhoi'r gorau iddi

Bydd ysmygu pan fyddwch yn feichiog nid yn unig yn niweidio'ch iechyd chi, ond gall hefyd niweidio'ch babi. Mae wedi cael ei gysylltu ag amrywiaeth o broblemau iechyd gan gynnwys genedigaethau cynamserol, pwysau geni isel, marwolaeth yn y crud, colli babi a phroblemau anadlu/gwichian yn ystod chwe mis cyntaf bywyd y babi.

Os rhowch chi'r gorau i ysmygu yn ystod y cyfnod beichiogrwydd, fe gewch chi lai o salwch bore a llai o gymhlethdodau.

Os ydych chi'n ceisio rhoi'r gorau i ysmygu, ceisiwch annog y bobl o'ch cwmpas i wneud yr un fath. Mae mwg ail-law yn cynnwys nwyon gwenwynig, tar a miloedd o gemegau gwenwynig sy'n niweidiol i chi ac i iechyd eich babi. Isod, ceir dolen i 'Swyddogaeth bwysig partneriaid', sy'n darparu gwybodaeth am sut y gall partneriaid hefyd helpu trwy roi'r gorau i ysmygu.

• Gwefam go smokefree Opens new window
• Swyddogaeth bwysig partneriaid Opens new window
• Amddiffyn plant rhag mwg ail-law Opens new window
• Ysmygu a beichiogrwydd – Gwefan GIG Opens new window

Cefnogaeth

Dim ond chi all benderfynu rhoi'r gorau i ysmygu. Yn dilyn y cam hwnnw gallwch gael cymorth i ddal ati i beidio ag ysmygu.

Mae Llinell Gymorth GIG ar Ysmygu yn ystod Beichiogrwydd, 0800 169 9 169, yn wasanaeth cefnogi cyfrinachol. Fe fydd person wedi ei hyfforddi'n arbennig yn ateb eich galwad ac yn gwrando ar eich anghenion, yn awgrymu gwahanol ddulliau o roi'r gorau i ysmygu, ac yn gallu anfon pecyn gwybodaeth rhad ac am ddim atoch.

Mae Gwasanaethau Rhoi'r Gorau i Ysmygu'r GIG ar gael yn eich ardal. Mae cymorth arbennig ar gael i famau beichiog a'u partneriaid sy'n ei chael yn anodd rhoi'r gorau iddi. Er mwyn dod o hyd i'ch gwasanaeth lleol, ffoniwch Linell Gymorth GIG ar Ysmygu yn ystod Beichiogrwydd ar 0800 169 9 169, neu ymwelwch â gwefan Givingupsmoking.

• Action on Smoking and Health (ASH) Opens new window
• Gwefan yr Adran Iechyd Opens new window

Mwy o ddolenni defnyddiol

• Rhoi'r gorau i ysmygu (adran iechyd a lles)