Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Rhieni
Rwbela a HIV
Mae rwbela a HIV yn gallu cael eu trosglwyddo rhwng y fam a'r babi yn ystod beichiogrwydd, felly mae’n bwysig eich bod chi’n cael prawf os ydych chi’n ofni bod gennych chi naill ai rwbela neu HIV.
Rwbela
Gall rwbela (y frech Almaenig) wneud niwed difrifol i'ch baban os ydych yn ei chael o fewn y pedwar mis cyntaf o fod yn feichiog. Mae'r rhan fwyaf o blant wedi eu himiwneiddio rhag rwbela ond os ydych yn meddwl eich bod yn feichiog a bod gennych rwbela, neu'ch bod wedi bod mewn cysylltiad â rhywun gyda'r frech Almaenig, dywedwch wrth eich meddyg ar unwaith.
HIV
Os ydych yn gwybod eich bod yn HIV positif, gallwch wneud ambell beth er mwyn lleihau'r risg o basio HIV i'ch baban. Mae hyn yn cynnwys:
- cymryd cyffuriau gwrthôlfirol ar ôl i chi fod yn feichiog am dri i bedwar mis
- cymryd cyffuriau gwrthôlfirol yn ystod yr enedigaeth
- dewis cael toriad cesaraidd
- rhoi cwrs o therapi gwrthôlfirol i'r baban am gyfnod byr ar ôl yr enedigaeth
- peidio â bwydo o'r fron
Gyda'r holl ymyriadau, gall cyfradd y trosglwyddiad o'r fam i'r plentyn fod bod mor isel â dau y cant. Heb ymyriadau, gall fod rhwng 25 a 40 y cant.
Os ydych yn meddwl fod gennych HIV, y peth gorau i'w wneud yw cael eich profi. Gellir cael profion HIV am ddim ac yn gwbl gyfrinachol gan un o'r gwasanaethau meddyginiaeth genhedlol-wrinol (GUM) neu'r clinigau iechyd rhyw. Mae sawl mudiad yn cynnig cyngor a chymorth yn yr amgylchiadau hyn. Mae cefnogaeth yn amrywio o gynnig cyfleoedd yn ymwneud ag addysg, hyfforddiant a gwirfoddoli i bobl sy'n byw gyda HIV, i gyngor, cefnogaeth a gwybodaeth am gyflogaeth a datblygiad personol.
- Llinell Gymorth AIDS Genedlaethol: 08000 567 123
- Ymddiriedolaeth Terrence Higgins: 0207 242 1010 - mae Ymddiriedolaeth Terrence Higgins yn helpu i gefnogi pobl yn y DU sy'n byw ag AIDS
- Positively Women: 0207 713 0222 - elusen genedlaethol sy'n rhoi cefnogaeth i ferched sy'n byw â HIV gan ferched sy'n byw â HIV
Additional links
Ei wneud ar y we
Allweddumynediad llywodraeth y DU
