Gwefan llywodraeth y DU

Absenoldeb mamolaeth - y ffeithiau syml

Ceir absenoldeb mamolaeth statudol am 52 wythnos. Gallech fod â'r hawl i dderbyn Tâl Mamolaeth Statudol am hyd at 39 wythnos o'r absenoldeb.

• Mwy am dâl mamolaeth

I fod yn gymwys ar gyfer absenoldeb mamolaeth, rhaid i chi fod yn 'gyflogai'. Os nad ydych yn sicr a ydych yn 'gyflogai' ai peidio, dilynwch y ddolen isod.

• Ai 'cyflogai', 'gweithiwr' ynteu 'hunangyflogedig' ydych chi?

Cymorth Personol

Byddwch yn cael help personol i gael gwybod beth allech chi fod yn gymwys i'w gael drwy ddefnyddio'r gwasanaeth Canllawiau Rhyngweithiol Personol i'ch Hawliau Cyflogaeth (TIGER).

• Cael cymorth personol gyda hawliau mamolaeth (yn agor ffenestr newydd)

Cynlluniau cwmni

Mae'n bosib bod gan eich cyflogwr ei gynllun ei hun ac fe allai hwnnw fod yn fwy hael na'r cynllun statudol. Edrychwch yn eich contract cyflogaeth neu'ch llawlyfr staff i weld y manylion neu holwch eich cyflogwr. Chaiff eich cyflogwr ddim cynnig llai i chi na'r cynllun statudol.

• Cael gwybod mwy am eich contract cyflogaeth (adran cyflogaeth)

Bod yn gymwys i gael absenoldeb mamolaeth statudol

Fel 'cyflogai' bydd gennych yr hawl i gael 26 wythnos o 'Absenoldeb Mamolaeth Cyffredin' a 26 wythnos o 'Absenoldeb Mamolaeth Ychwanegol' - gan wneud cyfanswm o flwyddyn. Ar yr amod eich bod yn bodloni gofynion hysbysu penodol, fe gewch gymryd y cyfnod hwn, dim ots ers faint rydych chi wedi bod gyda'ch cyflogwr, na faint o oriau rydych chi'n eu gweithio, na faint o gyflog gewch chi.

Absenoldeb Mamolaeth : cael gwybod mwy

• Absenoldeb Mamolaeth: cymryd eich absenoldeb mamolaeth
• Absenoldeb Mamolaeth: dychwelyd i'r gwaith

Lle i gael cymorth

Mae’r Gwasanaeth Cynghori, Cymodi a Chyflafareddu (Acas) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth. Fe allwch chi ffonio llinell gymorth Acas ar 08457 47 47 47 rhwng 8.00 am a 6.00 pm o ddydd Llun i ddydd Gwener.

• ACAS (yn agor ffenestr newydd)

Mae’r Asiantaeth Cydberthynas Lafur (LRA) yn cynnig cyngor cyfrinachol a diduedd am ddim am bob mater sy’n ymwneud â hawliau cyflogaeth i breswylwyr Gogledd Iwerddon. Fe allwch chi gysylltu â’r LRA ar 028 9032 1442 rhwng 9.00 am a 5.00 pm o ddydd Llun i ddydd Gwener

• Asiantaeth Cydberthynas Lafur (LRA) (yn agor ffenestr newydd)

Gall y Gwasanaeth Cyngor ar Bopeth (CAB) hefyd gynnig cyngor diduedd am ddim. Gallwch ddod o hyd i'ch swyddfa CAB leol yn y llyfr ffôn neu ar-lein.

• Dod o hyd i'ch canolfan Cyngor ar Bopeth leol (yn agor ffenestr newydd)

Os ydych chi'n aelod o undeb llafur, fe allwch chi gael help, cyngor a chefnogaeth ganddyn nhw hefyd.

• Cyflwyniad i undebau llafur

Mwy o ddolenni defnyddiol

• Gweithio pan fyddwch chi'n feichiog (adran cyflogaeth)
• Cael gwybod am weithio hyblyg (adran cyflogaeth
• Canllawiau manwl am hawliau mamolaeth gan Yr Adran Busnes, Menter a Diwygio Rheoleiddio (yn agor ffenestr newydd)
• Canllawiau manwl am hawliau mamolaeth yng Ngogledd Iwerddon gan yr Adran Cyflogaeth a Dysgu (DELNI) (yn agor ffenestr newydd)
• Cyngor i gyflogwyr yng Ngogledd Iwerddon ar famolaeth, tadolaeth a mabwysiadu gan nibusinessinfo (yn agor ffenestr newydd)
• Canllawiau manwl am hawliau mamolaeth gan yr Adran Busnes, Menter a Diwygio Rheoleiddio (BERR) (yn agor ffenestr newydd)