Gwefan llywodraeth y DU

Pwy sy'n gymwys i gael absenoldeb a thâl mabwysiadu statudol

Os byddwch chi’n mabwysiadu plentyn o dramor, mae yna wahaniaethau yn y meini prawf cymhwysol a’r dyddiad pan allwch chi ddechrau eich cyfnod o absenoldeb mabwysiadu, ond mae eich hawliau i gael absenoldeb a thâl yr un fath â phe baech yn mabwysiadu plentyn o fewn y DU.

I fod yn gymwys i gael absenoldeb mabwysiadu statudol mae'n ofynnol:

• mai chi sy'n mabwysiadu'r plentyn
• eich bod wedi gweithio’n barhaus i’ch cyflogwr am 26 wythnos o leiaf erbyn yr amser y byddwch chi eisiau dechrau’ch absenoldeb mabwysiadu
• eich bod wedi derbyn hysbysiad swyddogol yn cadarnhau bod yr awdurdod canolog wedi cyhoeddi, neu'n barod i gyhoeddi, tystysgrif yn cadarnhau eich bod yn gymwys i fabwysiadu a’ch bod wedi cael eich asesu a’ch cymeradwyo fel rhiant addas i fabwysiadu

I fod yn gymwys i gael tâl mabwysiadu statudol mae'n rhaid i chi hefyd ennill mwy na'r terfyn enillion isaf ar gyfer cyfraniadau Yswiriant Gwladol (sy'n £90 yr wythnos ar hyn o bryd).

Dylech roi gwybod i’ch cyflogwr eich bod yn bwriadu cymryd absenoldeb a thâl mabwysiadu statudol o fewn saith niwrnod i dderbyn yr hysbysiad mabwysiadu swyddogol. Gall hyn fod un ai pan fyddwch yn derbyn hysbysiad bod yr awdurdod canolog yn barod i gyhoeddi tystysgrif, neu pan fydd y dystysgrif wedi cael ei chyhoeddi.

Os byddwch chi’n mabwysiadu perthynas o dramor, gallwch chi hefyd fod yn gymwys i gael absenoldeb a thâl mabwysiadu, os ydych chi wedi cael eich asesu a'ch cymeradwyo fel rhiant addas i fabwysiadu.

• Mabwysiadu – cael gwybod mwy

Dechrau eich absenoldeb mabwysiadu

Efallai y byddwch yn dewis cychwyn eich absenoldeb a thâl o'r dyddiad y bydd y plentyn yr ydych am ei fabwysiadu yn dod i mewn i'r wlad neu o ddyddiad y cytunwyd arno ymlaen llaw hyd at 28 diwrnod wedi hynny.

Dylech ddweud wrth eich cyflogwr:

• y dyddiad y cawsoch yr hysbysiad swyddogol
• y dyddiad y disgwylir i'r plentyn ddod i mewn i'r wlad
• y dyddiad yr hoffech i'ch absenoldeb mabwysiadu a thâl ddechrau (mae'n rhaid i chi roi rhybudd o 28 diwrnod i'ch cyflogwr) 

Ble mae cael cymorth

Mae’r Gwasanaeth Cynghori, Cymodi a Chyflafareddu (Acas) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth.

• Acas (Gwasanaeth Cynghori, Cymodi a Chyflafareddu)

Mae’r Asiantaeth Cysylltiadau Llafur (LRA) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth i bobl sy'n byw yng Ngogledd Iwerddon.

• Asiantaeth Cysylltiadau Llafur

Gall eich Canolfan Cyngor Ar Bopeth (CAB) leol hefyd gynnig cyngor diduedd am ddim. Gallwch ddod o hyd i'ch swyddfa CAB leol yn y llyfr ffôn neu ar-lein.

• Canolfan Cyngor ar Bopeth

Os ydych chi'n aelod o undeb llafur, fe allwch chi gael cyngor a chefnogaeth ganddyn nhw hefyd.

• Cyflwyniad i undebau llafur

Mwy o ddolenni defnyddiol

• Absenoldeb rhiant a gweithio hyblyg
• Mabwysiadu rhwng gwledydd gwahanol
• Cyngor i gyflogwyr ar absenoldeb a thâl mabwysiadu gan Gyswllt Busnes Opens new window
• Canllaw manwl ar fabwysiadu tramor i weithwyr sy’n breswyl yng Ngogledd Iwerddon gan yr Adran am Gyflogaeth a Dysgu (DELNI) Opens new window
• Canllaw i gyflogwyr yng Ngogledd Iwerddon ar reoli absenoldeb a thâl mabwysiadu Opens new window