Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Rhieni
Cymorth ariannol i deuluoedd sydd ar incwm isel
Os ydych ar incwm isel, efallai y gallwch gael cymorth ariannol, yn dibynnu ar eich amgylchiadau.
Grant Mamolaeth Cychwyn Cadarn (y Gronfa Gymdeithasol)
Taliad o £500 yw'r Grant Mamolaeth Cychwyn Cadarn, ac nid oes raid talu'r arian yn ôl.
I fod yn gymwys ar gyfer hyn, mae'n rhaid i chi neu'ch partner fod yn derbyn Lwfans Gweithio yn seiliedig ar incwm, Cymhorthdal Incwm, Credyd Pensiwn, Treth Plant ar gyfradd uwch na'r elfen deulu, neu Gredyd Treth Gwaith lle mae gweithiwr anabl yn gynwysedig yn yr asesiad .
Dylech hawlio:
- unrhyw dro rhwng 11 wythnos cyn y disgwylir i'r babi gael ei eni hyd at dri mis wedi'r enedigaeth
- os byddwch yn mabwysiadu - dylech hawlio o fewn tri mis ar ôl mabwysiadu a dylai'ch baban fod o dan 12 mis oed ar y dyddiad y byddwch yn hawlio
- mewn achos benthyg croth (surrogacy) - dylech hawlio o fewn tri mis o drefnu'r gorchymyn ac mae'n rhaid i chi a'ch partner gael gorchymyn rhiant
Holwch yn eich Canolfan Byd Gwaith leol, Swyddfa Nawdd Cymdeithasol neu yn y Gwasanaeth Pensiwn am ffurflen Cychwyn Cadarn SF100 er mwyn hawlio.
Taliad Angladd (y Gronfa Gymdeithasol)
Gall Taliad Angladd helpu gyda chostau hanfodol angladd yr ydych chi neu'ch partner yn gyfrifol am ei drefnu.
I fod yn gymwys ar gyfer hyn, mae'n rhaid i chi neu'ch partner fod yn derbyn Lwfans Gweithio yn seiliedig ar incwm, Cymhorthdal Incwm, Credyd Pensiwn, Treth Plant ar gyfradd uwch na'r elfen deulu, neu Gredyd Treth Gwaith lle mae gweithiwr anabl yn gynwysedig yn yr asesiad.
Fe ellir hawlio'r arian yn ôl o unrhyw arian sydd ar gael yn ystad yr ymadawedig.
Gofynnwch yn eich Canolfan Byd Gwaith leol am ffurflen hawlio a mwy o wybodaeth.
Grant Gofal yn y Gymuned (y Gronfa Gymdeithasol)
Does dim rhaid ad-dalu Grant Gofal yn y Gymuned (o £30 hyd at £1,000).
I fod yn gymwys mae gofyn eich bod yn cael Cymhorthdal Incwm, Lwfans Ceisio Gwaith yn seiliedig ar incwm, Credyd Pensiwn, taliad ar gyfrif un o'r rhain, neu'n debygol o gael un o'r budd-daliadau neu hawliau hyn pan fyddwch chi'n symud o lety sefydliadol neu breswyl.
Gellir dyfarnu grantiau er mwyn helpu pobl:
- sy'n gadael llety lle maent yn derbyn gofal
- sy'n parhau i fyw yn y gymuned
- sydd ar raglen adsefydlu i gael cartref
Gellir hefyd ddyfarnu grantiau i helpu i hwyluso pwysau eithriadol ar deuluoedd, i ofalu am garcharor neu droseddwr ifanc a ryddhawyd ar drwydded dros dro, neu i helpu â chostau teithio.
Gofynnwch yn eich Canolfan Byd Gwaith leol am ffurflen hawlio a mwy o wybodaeth.
Benthyciadau Cyllidebu (y Gronfa Gymdeithasol)
Mae benthyciadau cyllidebu yn ddi-log (cyfanswm o £30 hyd at £1,000) am gost pethau ac eithrio costau rheolaidd (e.e. dodrefn, offer tŷ, dillad, esgidiau, pethau i'ch helpu i chwilio am neu gychwyn gwaith).
I fod yn gymwys mae gofyn eich bod chi neu'ch partner wedi bod yn cael Cymhorthdal Incwm, Lwfans Ceisio Gwaith yn seiliedig ar incwm, Credyd Pensiwn, neu daliad ar gyfrif un o'r rhain, am o leiaf 26 wythnos.
Gofynnwch yn eich Canolfan Byd Gwaith leol am ffurflen hawlio a mwy o wybodaeth.
Benthyciadau Argyfwng (y Gronfa Gymdeithasol)
Mae Benthyciadau Argyfwng yn ddi-log a gallant helpu os yw eich iechyd a'ch diogelwch chi neu'ch teulu mewn perygl difrifol yn dilyn argyfwng neu drychineb. Nid yw'n ofynnol eich bod yn cael unrhyw fudd-daliadau ond mae'n rhaid i chi fod dros 16 oed. Mae eich gobaith o gael Benthyciad Argyfwng yn dibynu ar eich amgylchiadau penodol.
Gofynnwch yn eich Canolfan Byd Gwaith leol am ffurflen hawlio a mwy o wybodaeth.
Credydau treth
Taliadau gan y llywodraeth yw credydau treth. Os ydych chi'n gyfrifol am o leiaf un plentyn neu berson ifanc sydd fel arfer yn byw gyda chi, mae'n bosib eich bod yn gymwys i gael Credyd Treth Plant. Os ydych chi’n gweithio, ond ar gyflog isel, mae'n bosib y byddwch yn gymwys i gael Credyd Treth Gwaith.
Mae faint o gredydau treth a gewch yn dibynnu ar bethau fel:
- faint o blant sy'n byw gyda chi
- a ydych yn gweithio - a faint o oriau yr ydych yn eu gweithio
- os ydych yn talu am ofal plant
- os oes gennych chi neu unrhyw blentyn sy'n byw gyda chi anabledd
- os ydych yn 50 oed neu'n hŷn ac yn rhoi'r gorau i gael budd-daliadau
Mae eich taliadau hefyd yn dibynnu ar eich incwm. Os bydd eich incwm yn isel, byddwch yn cael mwy o gredyd treth.
