Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Datblygu sgiliau mathemateg a rhif i blant dan bump

Gellir datblygu sgiliau rhif eich plentyn drwy gyfrwng straeon, caneuon, gemau a chwarae dychmygus. Mae sawl cyfle i ddysgu am fathemateg wrth wneud pethau bob dydd megis pwyso cynhwysion wrth goginio.

Datblygu sgiliau mathemateg

Mae mwy i fathemateg na dysgu sut i gyfri. Mae gallu mesur a gweld siapiau hefyd yn rhan bwysig o ddatblygiad eich plentyn.

Cyfri

Mae'n bosib y bydd eich plentyn yn dechrau adnabod rhifau'n ifanc iawn. Yna, byddan nhw'n dysgu sut i gyfri, ac yn defnyddio'u sgiliau gyda rhifau i ddatrys problemau.

Er mwyn helpu i ddatblygu sgiliau cyfri'ch plentyn, fe allech chi:

  • helpu eich plentyn i gyfri nwyddau yn eich cartref - tuniau yn y cwpwrdd, teganau yn y blwch teganau, neu bensiliau yn y drôr
  • canwch ganeuon a hwiangerddi cyfri i'ch plentyn fel 'un bys, dau fys, tri bys yn dawnsio'
  • gofynnwch i'ch plentyn ddyfalu'r rhif nesaf wrth i amserydd y popty gyfri i lawr i ddim
  • tynnwch sylw at rifau ar bethau o'ch cwmpas: ar y drws ffrynt, ar gardiau pen-blwydd, neu ar glociau
  • gofynnwch i'ch plentyn gasglu nifer penodol o bethau
  • chwaraewch gemau sy'n defnyddio deis megis nadroedd ac ysgolion

Mesur

Bydd eich plentyn yn dysgu defnyddio geiriau'n naturiol i gymharu'r pethau maen nhw'n eu gweld, er enghraifft mwy neu lai, talach neu fyrrach. Yna, byddan nhw'n dysgu am y pethau sydd eu hangen i fesur pethau - clorian i bwyso, tâp mesur i fesur hyd, clociau i fesur amser.

I ddatblygu sgiliau mesur eich plentyn, fe allech chi:

  • ymarfer mesur pethau yn eich cartref gyda thâp mesur, ac ysgrifennu eu maint ar bapur
  • cymharu hyd dau beth
  • cymharu pethau i weld pa un yw'r trymaf
  • llenwi a gwagio pethau
  • pwyso cynhwysion wrth goginio

Dysgu am siapiau

Ar ôl dysgu am enwau siapiau, y cam nesaf yn natblygiad dysgu eich plentyn fydd disgrifio beth mae'r gwahanol siapiau'n gallu'i wneud a sut bethau ydyn nhw.

Gallwch annog eich plentyn i fod â diddordeb mewn siapiau drwy:

  • gymharu siapiau'r arwyddion welwch chi ar y strydoedd ar y ffordd i'r siopau
  • edrych ar bethau bob dydd a disgrifio'u siâp mewn geiriau
  • gofyn iddyn nhw ddod o hyd i bethau bob dydd sydd â siâp sgwâr, cylch neu driongl

Yn yr adran hon...

Additional links

Allweddumynediad llywodraeth y DU