Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Blynyddoedd cynnar: ble gall eich plentyn ddysgu

Mae amrywiaeth eang o ofal plant a dysgu blynyddoedd cynnar ar gael i'ch plentyn. Wrth gael gwybod am yr amrywiaeth o wasanaethau sydd ar gael, fe allwch benderfynu beth sydd orau ar eich cyfer chi ac ar gyfer anghenion eich plentyn.

Dod o hyd i leoliad dysgu cynnar a gofal plant

Mae dysgu cynnar yn rhoi'r dechrau gorau posib mewn bywyd i'ch plentyn. Drwy ddysgu a chwarae gyda phlant eraill mewn amgylchedd diogel a strwythuredig, byddant wedi cael dechrau da pan ddaw'n amser iddynt fynd i'r ysgol.

Gellir cael dysgu cynnar drwy'r canlynol:

  • dosbarthiadau meithrin, ysgolion meithrin a meithrinfeydd dydd
  • cylchoedd chwarae cyn-ysgol
  • dosbarthiadau derbyn
  • gofalwyr plant achrededig sy'n rhan o rwydwaith cymeradwy
  • canolfannau plant Cychwyn Cadarn

Dod o hyd i leoliad dysgu cynnar i'ch plentyn yn eich ardal chi

I gael gwybod beth sydd ar gael yn eich ardal chi, cysylltwch â'ch Gwasanaeth Gwybodaeth Plant lleol. Gall eich Gwasanaeth Gwybodaeth Plant roi cymorth a chyngor i chi gyda phob agwedd ar ddysgu cynnar a gofal plant, a gall eich helpu i ddod o hyd i'ch Canolfan Blant Cychwyn Cadarn leol. Cewch rif eich Gwasanaeth Gwybodaeth Plant lleol drwy ffonio 08002 346 346.

Gallwch hefyd chwilio am feithrinfeydd, gofal plant ac ysgolion ar-lein. Mae'r ddolen isod yn gadael i chi deipio'ch cod post yn y blwch i gael rhestr o ddarparwyr yn eich ardal chi.

Dysgu cynnar am ddim i blant tair a phedair oed

Mae gan bob plentyn 3 a 4 oed yn Lloegr hawl i 12.5 awr o ddysgu cynnar am ddim bob wythnos am 38 wythnos o'r flwyddyn. Bydd hyn yn codi i 15 awr yr wythnos o 2010, i'w ddarparu'n hyblyg dros isafswm o dri diwrnod.

Dosbarthiadau meithrin, ysgolion meithrin a meithrinfeydd dydd

Mae dau fath o ysgolion a dosbarthiadau meithrin: rhai sy'n dod dan adain y wladwriaeth a rhai preifat. Meithrinfeydd preifat yw'r rhan fwyaf o feithrinfeydd dydd.

Bydd y rhan fwyaf o feithrinfeydd:

  • yn derbyn plant rhwng tair a phump oed, er bod llawer o feithrinfeydd dydd yn fodlon derbyn plant iau
  • ar agor drwy gydol y flwyddyn ysgol, er bod rhai meithrinfeydd dydd preifat yn agor yn ystod gwyliau'r ysgol
  • ar agor am ddiwrnod craidd o 9.00 am tan 3.30 pm, er y bydd llawer o feithrinfeydd yn cynnig diwrnodau hwy
  • yn cynnig pum sesiwn hanner diwrnod, er bod rhai mathau o feithrinfeydd yn cynnig llefydd rhan amser neu amser llawn am ddim, yn dibynnu ar eich anghenion

Mae dau oedolyn o leiaf ar gyfer pob 20 i 26 plentyn mewn ysgolion a dosbarthiadau meithrin - rhaid i un ohonynt fod yn athro/athrawes c/gymwysedig, a rhaid i'r llall fod yn gynorthwy-ydd meithrin cymwys.

Mae gan feithrinfeydd dydd gymhareb staffio fwy dwys a gwahanol reolau am gymwysterau'r staff, yn dibynnu ar oedran y plant y gofelir amdanynt.

Gwneud cais am le mewn meithrinfa yn eich ardal chi

Gallwch ddilyn y ddolen isod i wneud cais am le mewn ysgol feithrin ar-lein.

Cylchoedd chwarae cyn-ysgol

Yn aml iawn, cyrff heb fryd ar wneud elw yw cylchoedd chwarae. Mae'n bosib eu bod yn cael eu rhedeg gan wirfoddolwyr, a'r rheini'n aml yn cynnwys rhieni.

Bydd y rhan fwyaf o gylchoedd chwarae:

  • yn derbyn plant rhwng tair a phump oed, er y bydd rhai yn fodlon derbyn plant dwy oed
  • ar agor drwy gydol y flwyddyn ysgol
  • fel arfer yn cynnig sesiynau hanner diwrnod, er nad yw rhai ar agor drwy'r wythnos, ac eraill yn gallu cynnig oriau hwy
  • yn darparu llefydd ar gyfer rhwng 10 ac 20 o blant - rhaid cael un oedolyn ar gyfer pob wyth plentyn, a rhaid i o leiaf hanner yr oedolion fod yn arweinyddion neu'n gynorthwywyr cymwys.

Dosbarthiadau Derbyn

Mae rhai ysgolion cynradd yn gallu derbyn plant dan bump oed i ddosbarth derbyn.

Bydd Dosbarthiadau Derbyn:

  • yn derbyn plant pedair a phump oed
  • ar agor drwy gydol y flwyddyn ysgol
  • o bosib yn derbyn eich plentyn am sesiynau hanner diwrnod i ddechrau, ac yna'n cynyddu hynny i fynychu'r ysgol drwy'r dydd
  • wedi'u cyfyngu yn ôl y gyfraith i 30 o blant - bydd cynorthwywyr gan y rhan fwyaf

Gwarchodwyr plant

Fel arfer, bydd gwarchodwyr plant yn gofalu am blant yn eu cartref eu hunain. Gall y rheini sy'n cynnig lleoliadau dysgu cynnar am ddim ar gyfer plant tair a phedair oed fod wedi'u cofrestru gydag Ofsted ac wedi'u hachredu fel rhan o rwydwaith sicrhau ansawdd awdurdod lleol. Bydd pob gwarchodwr plant sy'n gofalu am blant dan wyth oed yn cytuno i gadw at safonau ansawdd penodol a rhaid iddynt gael eu cofrestru, eu harolygu a'u harchwilio'n rheolaidd er mwyn sicrhau eu bod yn addas i ofalu am blant.

Bydd gwarchodwyr plant:

  • yn gofalu am eich plentyn rhwng y cyfnod pan fydd ond yn ychydig fisoedd oed nes ei fod yn bump a bydd rhai hefyd yn gofalu am blant oedran ysgol ar ôl yr ysgol ac yn ystod y gwyliau
  • yn aml yn gallu bod yn hyblyg o ran pa ddiwrnodau ac amserau y byddan nhw'n gweithio, fodd bynnag bydd pob gwarchodwr yn wahanol ac felly rhaid i chi drafod hyn gyda nhw
  • yn gallu gofalu am hyd at chwech o blant dan wyth oed, er na chaiff mwy na thri ohonynt fod dan bump oed

Canolfannau i Blant

Mae canolfannau plant Cychwyn Cadarn yn gallu darparu dysgu cynnar a gofal dydd llawn i blant dan bump oed, yn ogystal ag amrywiaeth o wasanaethau eraill fel cefnogi teuluoedd a gwasanaethau iechyd. Byddant ar agor am isafswm o 10 awr y dydd, bum niwrnod yr wythnos, 48 wythnos y flwyddyn.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU