Gwefan llywodraeth y DU

Cael gwybod am berfformiad ysgol

Mae'r rhan fwyaf o ysgolion yn darparu prosbectws ar gyfer rhieni sy'n cynnwys gwybodaeth fanwl am yr ysgol. Efallai y gallech hefyd gael y wybodaeth hon ar-lein.

Dilynwch y ddolen 'Dod o hyd i ysgolion, gofal plant a meithrinfeydd', ac wedyn teipiwch eich cod post i gael manylion cyswllt yr ysgolion wrth eich ymyl, gan gynnwys dolenni i wefannau ysgolion.

• Dod o hyd i ysgolion, gofal plant a meithrinfeydd Opens new window

Tablau Cyflawniad a Chyrhaeddiad ysgolion

Bob blwyddyn mae’r Adran Addysg a Sgiliau yn cyhoeddi gwybodaeth am gyflawniad a chyrhaeddiad disgyblion pob ysgol. Mae'r tablau hyn yn ganllaw i ba mor dda y mae ysgol yn llwyddo. Maen nhw'n rhestru canlyniadau profion y Cwricwlwm Cenedlaethol ar gyfer pob ysgol yn Lloegr ac yn dangos sut maen nhw'n cymharu ag ysgolion eraill.

Cyhoeddir pedwar tabl bob blwyddyn:

Ni fydd canlyniadau profion yn rhoi darlun cyflawn o ysgol, ond fe allan nhw eich helpu i lunio darlun ehangach o'r ysgol rydych chi'n ei hystyried.

• Dod o hyd i ysgolion, gofal plant a meithrinfeydd Opens new window
• Archebu copïau o dablau cyflawniad a chyrhaeddiad ysgolion a cholegau

Darllen adroddiad Ofsted yr ysgol

Bydd Ofsted yn arolygu pob un o ysgolion y wladwriaeth yn Lloegr bob tair blynedd o leiaf. Ar ôl cwblhau'r arolygiad, bydd Ofsted yn cyhoeddi adroddiad. Pan fydd arolygwyr yn asesu ysgol, byddant yn ystyried tystiolaeth o amryw o ffynonellau, gan gynnwys y canlynol:

• hunanasesiad yr ysgol (asesiad yr ysgol o'i pherfformiad ei hun)
• data perfformiad
• gwaith disgyblion
• arsylwi ar wersi
• cyfraniadau gan rieni
• trafodaethau gyda disgyblion a staff

Bydd adroddiad yr arolygiad yn cynnwys asesiad cyffredinol o effeithlonrwydd yr ysgol, ynghyd â barn benodol am y canlynol:

• llwyddiannau a safonau
• datblygiad a lles personol y disgyblion
• safon yr addysgu a'r dysgu
• darpariaeth y cwricwlwm
• y gofal, yr arweiniad a'r gefnogaeth a ddarperir gan yr ysgol
• y modd yr arweinir ac y rheolir yr ysgol

Beirniedir y rhain ar raddfa pedwar pwynt – mae un yn ‘eithriadol’, dau yn ‘dda’, tri yn ‘foddhaol’ a phedwar yn ‘annigonol’.

Mae'r adroddiad hefyd yn nodi'r hyn y dylai'r ysgol ei wneud er mwyn gwella. Disgwylir i'r ysgol ddefnyddio awgrymiadau Ofsted yn sail i wneud gwelliannau mor fuan ag y bo modd.

• Sut mae Ofsted yn arolygu ysgolion y wladwriaeth Opens new window

Darllen adroddiadau Ofsted ar-lein

Gallwch ddarllen adroddiadau Ofsted ar-lein drwy ddilyn y ddolen 'Dod o hyd i ysgolion, gofal plant a meithrinfeydd'.

• Dod o hyd i ysgolion, gofal plant a meithrinfeydd

Proffil yr ysgol

Bydd nifer o ysgolion yn rhoi adroddiad ar eu cynnydd yn y meysydd a nodwyd gan Ofsted mewn Proffil Ysgol blynyddol. Gan mai unwaith ym mhob tair blynedd y cynhelir arolygiadau Ofsted fel arfer, efallai y byddwch yn dymuno edrych a yw Proffil Blynyddol yr Ysgol yn cynnwys y wybodaeth ddiweddaraf ar gynnydd yr ysgol.

Mae nifer cyfyngedig o Broffiliau Ysgol ar gael ar-lein, a bydd mwy yn cael eu hychwanegu yn y dyfodol. Gweler 'Dod o hyd i ysgolion, gofal plant a meithrinfeydd' i gael gwybod mwy.

• Dod o hyd i ysgolion, gofal plant a meithrinfeydd

Mwy o ddolenni defnyddiol

• Edrych ar dablau cyrhaeddiad a chyflawniad ysgol Opens new window