Gwefan llywodraeth y DU

Os na chaiff eich plentyn le yn yr ysgol o’ch dewis

Bydd manylion ynghylch sut i apelio i'w gweld yn y llythyr derbyn a geir gan yr awdurdod lleol sy'n amlinellu ei gynnig. Yn y llythyr hefyd, nodir dyddiad cau ac mae'n rhaid i chi apelio erbyn y dyddiad hwnnw. Mewn rhai ardaloedd, efallai y cewch gyflwyno'ch apêl ar-lein.

Os nad yw'r plentyn wedi cael lle mewn ysgol bydd angen i chi gysylltu â'r tîm derbyn yn eich awdurdod lleol er mwyn iddyn nhw allu rhoi gwybod i chi pa ysgolion sydd â lleoedd ar gael.

Proses apelio

Mae pob apêl yn cael ei ystyried gan banel apêl annibynnol sy'n cynnwys rhwng tri a phum aelod o'r cyhoedd. Dim ond un apêl y gallwch ei wneud ar gyfer pob ysgol nad yw'n cynnig lle. Os oes mwy nag un ysgol yn gwrthod derbyn eich plentyn, gallwch wneud apêl ar wahân.

Dosbarthiadau babanod

Yn ôl y gyfraith, 30 o ddisgyblion ar y mwyaf a ganiateir fel arfer mewn dosbarthiadau babanod ac ynddynt blant pump, chwech a saith oed.

Gellir gwrthod ceisiadau am le oherwydd bod dosbarthiadau babanod mewn ysgol wedi cyrraedd eu llawn faint yn ôl y gyfraith. Yn y math hwn o apêl, dim ond y canlynol y caiff y panel ei ystyried:

Pryd bydd eich apêl yn cael ei gynnal?

Apeliadau ysgol uwchradd

• dylai'r gwrandawiad ddigwydd cyn 6 Gorffennaf (neu'r diwrnod gwaith nesaf os yw'r dyddiad hwn ar benwythnos)

Apeliadau ysgolion cynradd

• ni ddylai'r gwrandawiad ddigwydd yn hwyrach na 30 diwrnod ysgol yn dilyn y dyddiad cau am apeliadau

Apeliadau y tu allan i'r cylch derbyn arferol

• ni ddylai'r gwrandawiad ddigwydd yn hwyrach na 30 diwrnod ysgol ar ôl i chi wneud apêl

Rhaid i'r awdurdod derbyn ysgrifennu atoch o leiaf 10 diwrnod ysgol cyn y gwrandawiad i gadarnhau'r dyddiad. Gall mudiadau megis y Ganolfan Cyngor am Addysg (ACE) gynnig cyngor wrth i chi baratoi eich achos.

• Canolfan Cyngor am Addysg Opens new window

Y gwrandawiad

Cam un

Bydd cynrychiolydd yr awdurdod derbyn yn esbonio i'r panel apêl y rhesymau dros wrthod eich cais.

Bydd y panel yn edrych a weithredodd yr awdurdod derbyn ei drefniadau cyhoeddedig yn gywir, ac yn penderfynu a oedd penderfyniad da dros wrthod eich cais (er enghraifft, gan fod y llefydd i gyd wedi cael eu rhoi i ymgeiswyr eraill â blaenoriaeth uwch yn unol â'r meini prawf derbyn).

• Gwneud cais am le mewn ysgol: meini prawf derbyn

• Apelio yn erbyn penderfyniad trefn derbyn ysgol Opens new window

Y penderfyniad

Rhaid i chi ac awdurdod derbyn yr ysgol blygu i benderfyniad y panel apêl - a dim ond y llysoedd all ei wyrdroi.

Bydd y panel yn anfon llythyr atoch chi a'r awdurdod derbyn o fewn saith niwrnod. Os bydd eich apêl yn llwyddo, cynigir lle yn yr ysgol i'ch plentyn. Os na fyddwch yn llwyddiannus, gallwch roi enw'ch plentyn ar restr aros.

Cwyno am y broses apelio

Os ydych yn anhapus ynghylch y modd y gweithredwyd y broses apelio, gallwch gwyno wrth yr Ombwdsmon Llywodraeth Leol. Er y gall argymell apêl o'r newydd, nid oes gan yr Ombwdsmon hawl i adolygu neu wyrdroi penderfyniad y panel apêl.

Os bydd newid yn eich amgylchiadau, efallai y gallwch wneud cais am apelio eto, os yw'r awdurdod derbyn yn ystyried bod y newid yn berthnasol i'ch cais.

• Cysylltu ag ombwdsmon eich awdurdod lleol Opens new window

Yr Ysgrifennydd Gwladol dros Blant, Ysgolion a Theuluoedd

Cyrff annibynnol yw'r paneli apêl, felly ni all yr Ysgrifennydd Gwladol dros Blant, Ysgolion a Theuluoedd adolygu na gwyrdroi penderfyniadau paneli unigol. Y cyfan y gallant ei wneud yw ystyried cwynion ynghylch a sefydlwyd y panel apêl yn gywir neu beidio gan yr awdurdod derbyn.

Mwy o ddolenni defnyddiol

• Llwytho'r Cod Ymddygiad ar gyfer Apeliadau Derbyn i Ysgolion oddi ar y we Opens new window