Gwefan llywodraeth y DU

Clybiau cerddoriaeth

Yn aml iawn, bydd clybiau cerdd yn cael eu cynnwys yn y rhaglen cymorth i astudio neu mewn rhaglenni gweithgareddau ar ôl ysgol. Bydd gan eich ysgol fwy o wybodaeth am hyn.

Gall eich awdurdod lleol roi gwybodaeth i chi hefyd am raglenni a chlybiau ar ôl ysgol. Lle da i gael gwybod beth sydd ar gael yw gwefan yr awdurdod neu gallwch gysylltu â nhw'n uniongyrchol.

• Dod o hyd i'ch awdurdod addysg lleol Opens new window
• Cynghorion, cyngor a dolenni defnyddiol a all helpu i ysgogi'ch plentyn ym maes cerddoriaeth Opens new window

Cynlluniau cerdd fforddiadwy, cyfleoedd i berfformio a digwyddiadau

Ceir nifer o gynlluniau rhad neu am ddim dan nawdd y llywodraeth i helpu plant i gymryd rhan mewn addysg a digwyddiadau cerddorol. Efallai y dowch o hyd hefyd i sefydliadau neu unigolion yn eich ardal sy'n cynnal dosbarthiadau a gweithdai cerddoriaeth i blant am ffi.

Elusen addysgiadol yw Cerddoriaeth i'r Ifanc. Mae'n cynnig llwybr am ddim at gyfleoedd i gael addysg gerddorol a pherfformio i blant rhwng pedair a 18 oed.

Mae Cerddoriaeth i'r Ifanc yn cynnig gweithgareddau cerdd am ddim sydd wedi'u hanelu'n benodol at blant na fyddent fel arall yn cael cyfle i gymryd rhan ynddynt.

• Mwy am Gerddoriaeth i'r Ifanc a sut i gael eich plentyn i gymryd rhan Opens new window
• Mwy am weithgareddau Cerddoriaeth i'r Ifanc yn eich ardal Opens new window

Gwersi a grantiau i blentyn dawnus neu dalentog.

Bydd plant talentog yn aml yn haeddu anogaeth wrth iddyn nhw astudio cerddoriaeth. Gall addysg gerddorol fod yn ddrud ond mae cynlluniau a mentrau ar gael i helpu gyda'r costau.

Os oes gan eich plentyn dalent neu ddawn arbennig, mae'n bosib y gallai fod yn gymwys i gael grant dan gynllun Cerdd a Dawns y llywodraeth a sefydlwyd i annog cerddorion ifanc.

Mae nifer o elusennau cerddorol yn cynnig grantiau a all helpu i dalu am wersi cerddoriaeth i blentyn talentog, neu helpu mewn ffyrdd eraill. Grantiau i Gerddorion Ifanc yw un o'r elusennau hyn ac ar ei gwefan, fe welwch gyfeiriad at sefydliadau eraill a all helpu.

• Mwy am gynllun cerdd a dawns y llywodraeth i blant talentog Opens new window
• Mwy am grantiau ariannol i gerddorion ifanc talentog Opens new window

Gwneud cais am hyfforddiant cyfryngol

Gallwch lenwi eich manylion am eich cartref yn y ddolen ganlynol, bydd hyn wedyn yn eich tywys i'r wefan am eich cyngor lleol ble gallwch gael gwybod am hyfforddiant cyfryngol yn eich ardal

• Gwneud cais am hyfforddiant cyfryngol Opens new window

Mwy o ddolenni defnyddiol

• Mwy am gymorth i astudio Opens new window
• Gwybodaeth am sefydliadau a all noddi neu helpu'ch plentyn i ddatblygu dawn gerddorol Opens new window