Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Rhieni
Cael gwybod am ysgol gynradd eich plentyn
Er mwyn paratoi eich plentyn ar gyfer yr ysgol, mae'n werth cael gwybod cymaint ag y gallwch chi am yr ysgol cyn eu diwrnod cyntaf. Mae'n bosib y byddwch am gael gwybod am ethos a pholisïau'r ysgol, beth fydd ei angen ar eich plentyn a sut y bydd yn dysgu.
Cael gwybodaeth am ysgolion cynradd
Gallwch gael gwybod am eich ysgol leol drwy gael prosbectws gan adran addysg eich awdurdod lleol neu gan yr ysgol ei hun. Hefyd, fe allai fod yn werth sgwrsio â rhieni sydd eisoes â phlant yn yr ysgol.
Bydd llawer o ysgolion yn trefnu diwrnodau neu nosweithiau agored, a bydd y rhain yn rhoi cyfle i chi ofyn cwestiynau a gweld y tu mewn i ysgol eich plentyn.
Sut y bydd eich plentyn yn dysgu
Yn ystod blwyddyn gyntaf eich ysgol gynradd, bydd y Cyfnod Sylfaenol yn parhau ac felly, dylai eich plentyn ddysgu mewn ffordd debyg a dilyn yr un math o weithgareddau ag yr oedden nhw'n gyfarwydd â nhw yn ystod y blynyddoedd cynnar. Gelwir dwy flynedd nesaf yr ysgol gynradd yn Gyfnod Allweddol 1 a'r pedair blynedd wedyn yn Gyfnod Allweddol 2. Yn ystod pob un o'r Cyfnodau hyn, mae'r Cwricwlwm Cenedlaethol yn pennu pa bynciau gaiff eu dysgu.
Gall cael gwybod sut mae addysgu a dysgu'n digwydd fod yn help i chi gefnogi'ch plentyn er mwyn gwneud yn fawr o'u hamser yn yr ysgol.
Efallai yr hoffech holi:
- am y dulliau addysgu a dysgu a ddefnyddir
- am reolau'r ysgol
- am bolisïau'r ysgol, er enghraifft, gwaith cartref, ymddygiad, amddiffyn plant, presenoldeb, bwlio
- am y cyfleusterau sydd ar gael, er enghraifft cyfleusterau'r llyfrgell neu chwaraeon
- am drefniadau'r ysgol i roi gwybod i chi am gynnydd eich plentyn
- am sut y byddwch chi'n cael cymryd rhan yn addysg eich plentyn, er enghraifft drwy gymdeithasau rhieni-athrawon neu drwy ddod yn llywodraethwr
- am y cymorth sydd ar gael ar gyfer anghenion addysgol arbennig eich plentyn
Arferion beunyddiol
Mae'n debygol y bydd mynd i'r ysgol yn golygu newid arferion beunyddiol eich plentyn.
Mae'n help cael gwybod:
- pa bryd mae diwrnod yr ysgol yn dechrau ac yn gorffen
- beth yw'r drefn arferol bob dydd
- beth sy'n digwydd amser chwarae ac amser cinio
- pa drefniadau sydd gan yr ysgol i helpu'ch plentyn i ymgartrefu cyn y diwrnod cyntaf
- a yw'r ysgol yn cynnig gofal plant ychwanegol, gan gynnwys clwb brecwast neu ar ôl ysgol
- dyddiadau'r tymhorau a'r gwyliau
- beth fydd yn digwydd os bydd eich plentyn yn sâl yn yr ysgol
- faint o amser fydd ei angen i baratoi ar gyfer yr ysgol ac i deithio yno
- a fydd angen i chi brynu pethau cyn i'ch plentyn ddechrau yn yr ysgol, er enghraifft gwisg ysgol neu ddillad arbennig ar gyfer chwaraeon neu gelf
Mwy o ddolenni defnyddiol
Additional links
Allweddumynediad llywodraeth y DU
