Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Rhieni
Cymorth ar gyfer anghenion addysgol arbennig: gwasanaethau partneriaeth â rhieni a mudiadau eraill
Mae gennych swyddogaeth hollbwysig o ran cefnogi addysg eich plentyn. Dylid ystyried eich barn chi a dylid gwrando ar ddymuniadau eich plentyn. Hefyd, ceir sawl grŵp a mudiad a all roi cyngor i chi am anghenion addysgol arbennig (AAA).
Cael help ychwanegol
Os nad ydych chi'n hapus â'r hyn y mae'r ysgol yn ei wneud dros eich plentyn, siaradwch yn y lle cyntaf â'r Cydlynydd Anghenion Addysgol Arbennig, neu ag athro/athrawes dosbarth eich plentyn neu â'r athrawon pwnc, neu â'r pennaeth. Fe all camddealltwriaeth godi felly mae'n bwysig eich bod yn cydweithredu gymaint ag y gallwch gydag ysgol eich plentyn.
Mae'n bosib hefyd y gwelwch fod sgwrsio â rhieni eraill drwy gyfrwng eich gwasanaeth partneriaeth â rhieni lleol yn help, neu gysylltu â mudiadau gwirfoddol lleol a chenedlaethol ac â grwpiau rhieni.
Gwasanaethau partneriaeth i rieni
Mae gwasanaethau partneriaeth â rhieni'n cynnig cymorth a chyngor am AAA, gan ddarparu gwybodaeth gywir a diduedd am y dewisiadau sydd ar gael i chi. Mae'n bosib y byddan nhw'n cynnig hyfforddiant i chi i'ch tywys drwy drefniadau a phrosesau AAA neu'n eich rhoi mewn cysylltiad â mudiadau a grwpiau sy'n gallu bod o help.
Fe allwch gysylltu â'ch gwasanaeth partneriaeth â rhieni lleol drwy gyfrwng eich awdurdod lleol neu'r Rhwydwaith Partneriaeth â Rhieni Cenedlaethol.
Cynhalwyr annibynnol i rieni
Gall cynhalwyr annibynnol i rieni eich helpu drwy'r trefniadau sy'n codi wrth i chi ddelio ag anghenion addysgol arbennig eich plentyn. Maent yn gweithio dan gyfarwyddyd a goruchwyliaeth eich gwasanaeth partneriaeth â rhieni lleol, ac fel arfer, gwirfoddolwyr sydd wedi'u hyfforddi yw'r rhain.
Er y bydd cynhalwyr annibynnol i rieni'n eich helpu chi i ddeall beth sy'n digwydd, wnân nhw ddim gwneud penderfyniadau am eich plentyn. Er y dylai eich gwasanaeth partneriaeth â rhieni lleol agor y drws i chi er mwyn i chi gael help gan gynhaliwr annibynnol, gallwch hefyd ddewis ffrind, rhiant neu rywun o fudiad gwirfoddol i'ch cefnogi.
Fe all cynhaliwr annibynnol i rieni eich helpu drwy wneud y canlynol:
- gwrando ar eich pryderon a'ch poenau
- rhoi cymorth cyffredinol i chi'n rheolaidd
- eich helpu i ddeall beth sy'n digwydd yn ystod trefniadau a phrosesau AAA megis gweithredu gan yr ysgol, asesu a rhoi datganiad
- esbonio hawliau a chyfrifoldebau
- eich helpu i baratoi ar gyfer ymweliadau a chyfarfodydd a'u mynychu
- eich helpu i wneud galwadau ffôn, llenwi ffurflenni ac ysgrifennu llythyrau ac adroddiadau
- eich helpu i fynegi eich barn a chyfathrebu gydag ysgolion ac awdurdodau lleol
- canfod ffynonellau gwybodaeth, cymorth a chyngor eraill
Canolfan Gynghori am Addysg
Cyngor i rieni sydd â phlant ag anghenion addysgol arbennig
Panel Annibynnol ar gyfer Cyngor Addysgol Arbennig (IPSEA)
Mae gan y Panel hwn arbenigwyr annibynnol a all roi cyngor am ddim i chi am anghenion addysgol arbennig eich plentyn.
Mae'r Panel yn gwneud y canlynol:
- rhoi cyngor cyffredinol
- rhoi cyngor am apelio i'r Tribiwnlys Anghenion Addysgol Arbennig ac Anabledd, gan gynnwys darparu cynrychiolaeth pan fo angen
- rhoi ail farn broffesiynol
Rhwydwaith 81
Elusen gofrestredig sy'n darparu cefnogaeth annibynnol i rieni yw Rhwydwaith 81.
Datrys anghytundebau
Os ydych chi'n dal i anghytuno â'r ysgol neu'r awdurdod lleol ar ôl trafod anghenion eich plentyn gyda nhw, fe allwch gael help cychwynnol drwy'r Gwasanaeth Partneriaeth â Rhieni neu ddefnyddio'r trefniadau anffurfiol ar gyfer datrys anghydfod. Dylai'ch awdurdod lleol roi'r manylion i chi neu mae modd eu cael drwy'r Partneriaethau Rhanbarthol.
Tribiwnlys Anghenion Addysgol Arbennig ac Anabledd (SENDIST)
Yn ogystal â chymorth answyddogol ynglwn â datrys anghydfodau, efallai y gallech chi hefyd apelio at y Tribiwnlys Anghenion Addysgol Arbennig ac Anabledd (SENDIST). Mae hwn yn gorff annibynnol sy'n gwrando ar apeliadau yn erbyn penderfyniadau a wneir gan awdurdodau lleol ynghylch asesiadau a datganiadau AAA.
Mwy o ddolenni defnyddiol
Additional links
Gweler hefyd...
Ei wneud ar y we
Allweddumynediad llywodraeth y DU
