Gwefan llywodraeth y DU

Swyddogaeth yr ysgol o ran amddiffyn eich plentyn rhag cael ei gam-drin

Dylai fod gan ysgol eich plentyn drefniadau i helpu i'w hamddiffyn, gan gynnwys:

Gallwch ddysgu mwy am drefn amddiffyn plant mewn ysgolion drwy glicio ar y ddolen isod - 'Canllawiau i ysgolion ar amddiffyn plant rhag cael eu cam-drin'.

Yn ogystal â gweithredu trefn amddiffyn plant, gall ysgolion helpu plant i'w hamddiffyn eu hunain. Gall gwersi Addysg Iechyd, Bersonol a Chymdeithasol (AIBCh) edrych ar faterion megis:

• ymddygiad sy'n creu risg
• cyswllt corfforol priodol ac amhriodol
• delio â phwysau gan gyfoedion

• Canllawiau i ysgolion ar amddiffyn plant rhag cael eu cam-drin Opens new window
• Gweld y canllawiau anstatudol ar ddysgu AIBCh Opens new window

Archwilio cefndir staff sy'n gweithio gyda phlant a phobl ifanc

Mae'n rhaid i ysgol eich plentyn gynnal archwiliadau penodol ar gefndir a chofnodion troseddol yr holl staff sy'n ymwneud â phlant.

• Mwy am y cynllun newydd ar gyfer archwilio cefndir a gwahardd Opens new window

Delio ag amheuon o gam-drin

Os ydych chi'n amau bod plentyn yn cael ei gam-drin, dylech roi gwybod i'r heddlu neu'ch gwasanaethau cymdeithasol lleol. Os ydych chi'n gweithio mewn ysgol, dylech ddweud wrth yr aelod o staff sy'n gyfrifol am amddiffyn plant. Byddant yn cymryd y camau priodol yn seiliedig ar y drefn a osodir gan yr awdurdod lleol a'r bwrdd diogelu plant lleol - gan roi gwybod i'r awdurdodau pan fo hynny'n ofynnol.

Unwaith yr hysbysir yr awdurdodau, byddant yn penderfynu beth yw'r dull gorau o fwrw 'mlaen â'r mater. Ar ôl hynny, bydd swyddogaeth yr ysgol yn gyfyngedig. Ni fydd staff yr ysgol yn cymryd rhan mewn ymchwiliad, er y gellid galw arnynt i roi gwybodaeth. Mae'n bosib y gofynnir iddyn nhw hefyd ddarparu cefnogaeth ychwanegol ar gyfer y plentyn neu'r person ifanc.

• Canllawiau'r llywodraeth i bobl sy'n gweithio â phlant ynglŷn â beth i'w wneud os ydynt yn amau bod plentyn yn cael ei gam-drin Opens new window
• Mwy am fyrddau diogelu plant lleol Opens new window

Rhwystro perthynas amhriodol yn yr ysgol

Mae cael perthynas rywiol gyda rhai sydd o dan 16 oed yn erbyn y gyfraith, ond mae hi hefyd yn drosedd i oedolyn gael perthynas rywiol gyda rhywun sydd o dan 18 oed os yw'r oedolyn mewn 'sefyllfa o ymddiriedaeth' o ran eu perthynas â'r person ifanc.

Mae hyn yn cynnwys, er enghraifft, perthynas rhwng aelodau o staff a myfyrwyr ysgol neu goleg. Mae hyn yn berthnasol cyn belled â bod y person ifanc o dan 18 oed, hyd yn oed os ydynt yn hŷn na'r oed cydsynio cyfreithiol - er bod yna ambell i amddiffyniad a all fod yn berthnasol mewn rhai amgylchiadau cyfyngedig.

• Mwy am y drosedd o gamddefnyddio sefyllfa o ymddiriedaeth Opens new window

Mwy o ddolenni defnyddiol

• Gwybodaeth a Chwestiynau Cyffredin am amddiffyn plant Opens new window