Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Sadwrn, 21 Tachwedd 2009

dolenni i dudalennau eraill yn yr adran hon

Pori wrth destun

Pori wrth bobl

Rhieni

Diogelwch ar gefn beic

Mae mwy o siawns i bobl ifanc rhwng 11 a 15 oed gael eu lladd neu ddioddef anafiadau difrifol wrth gerdded neu feicio nag unrhyw grŵp oedran arall. Ceisiwch annog eich plentyn i fwynhau beicio'n ddiogel drwy ddilyn yr awgrymiadau hyn.

Dal i siarad

Fel rhiant, y peth gorau y gallwch chi ei wneud i helpu eich plentyn i ddysgu am ddiogelwch ar y ffyrdd yw dal ati i siarad ag ef am y peth. Gallwch wneud y canlynol:

tynnu sylw at bobl sy'n rhoi eu bywydau eu hunain mewn perygl
pwysleisio'r angen i ganolbwyntio a chymryd gofal drwy'r amser
rhybuddio am ddamweiniau a phethau a allai dynnu eu sylw
ceisio ymarfer barnu cyflymder a phellter gyda'ch plentyn
pwysleisio na ddylai eich plentyn ddilyn eraill heb feddwl - ar y ffordd nac mewn unrhyw sefyllfa arall

Y beic

Sicrhewch fod beic eich plentyn o'r maint cywir ac wedi ei gynnal a'i gadw'n dda:

mae'n drosedd reidio beic yn y nos heb olau gwyn ar y tu blaen a golau ac adlewyrchydd coch ar y cefn
os oes gan eich plentyn ddynamo ar ei feic, dylech ei atgoffa y bydd y golau yn diffodd pan fydd yn stopio
nodwch eich cod post ar ffrâm y beic
atgoffwch eich plentyn i ddefnyddio clo beic bob amser

Dillad

Gall eich plentyn ddefnyddio eitemau o ddillad a chyfarpar er mwyn ei helpu i fod yn ddiogel:

gwnewch yn siŵr bod eich plentyn yn gwisgo dillad adlewyrchol - gallai hyn fod o fudd yng ngolau dydd hyd yn oed os yw'r tywydd yn ei gwneud yn anodd gweld
anogwch eich plentyn i ddefnyddio helmed sy'n ffitio'n iawn

Pobl ifanc yn eu harddegau yw'r grŵp oedran sydd fwyaf tebygol o beidio â gwisgo helmed. Ar gyfartaledd, mae hanner yr anafiadau y mae beicwyr yn eu cael yn anafiadau i'r wyneb a'r pen.

Allan ar grwydr

Pan fydd eich plentyn yn barod i ddechrau mynd ar feic byddai'n ddefnyddiol:

holi a oes cwrs beicio ar gael yn ysgol eich plentyn neu drwy swyddog diogelwch ar y ffyrdd eich cyngor lleol
eu hannog i ddefnyddio llwybrau a lonydd beicio neilltuol os ydynt ar gael
eu cynghori i beidio â defnyddio ffonau symudol na stereos personol pan fyddant ar y beic – gall hynny dynnu eu sylw ac achosi damweiniau
sôn wrthynt am raciau cadw beiciau, ac annog eich plentyn i'w defnyddio

Mynd i'r ysgol yn ddiogel

Gall eich cyngor lleol eich helpu i ddod o hyd i'r llwybrau mwyaf diogel i'ch plentyn gerdded neu feicio i'r ysgol. Cliciwch ar y ddolen isod i ddod o hyd i'ch cyngor lleol a chael cyngor ar ffyrdd diogel ac amgylcheddol gyfeillgar o deithio i'r ysgol.