Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Rhieni

Rhieni

Diogelwch ar y ffordd i blant dan chwech

Dilynwch yr awgrymiadau syml hyn er mwyn sicrhau bod eich plentyn yn cadw'n ddiogel ac yn datblygu ymwybyddiaeth am ffyrdd a thraffig.

Ar y palmant

  • gafaelwch yn llaw eich plentyn a pheidiwch â gadael iddo redeg o'ch blaen
  • cadwch olwg am fynedfeydd neu lwybrau cudd sy'n croesi'r palmant ac anogwch eich plentyn i wneud yr un fath
  • rhowch harnais ar blentyn ifanc os nad yw mewn cadair wthio
  • sicrhewch fod eich plentyn yn cerdded ar ochr y palmant sydd bellaf oddi wrth y traffig
  • mae plant yn llawer llai na cheir a bydd hyn yn ei gwneud yn anodd iddynt weld y ffordd yn glir; gall hyn hefyd ei gwneud yn anodd i fodurwyr weld plant
  • peidiwch â gadael i'ch plentyn fynd allan ar ei ben ei hun, na hyd yn oed gyda phlentyn hŷn
  • nid yw gyrrwyr yn gallu gweld plant bach bob amser; byddwch yn ofalus iawn pan fo'ch plentyn yn croesi gerllaw car a allai fod yn bagio

Croesi'r ffordd

  • bydd angen cymorth oedolyn ar blant sy'n cychwyn mynychu'r ysgol gynradd gan na fyddant yn barod i groesi ffyrdd ar eu pen eu hunain nes eu bod oddeutu wyth oed
  • gosodwch esiampl dda bob amser trwy ddewis llefydd diogel i groesi ac egluro'r hyn fyddwch yn ei wneud
  • gadewch i'ch plentyn eich helpu i benderfynu lle a phryd mae'n ddiogel croesi
  • dywedwch wrth eich plentyn mai'r llefydd mwyaf diogel i groesi yw ar groesfan i gerddwyr neu gyda rheolwr croesfan
  • dywedwch wrth eich plentyn am beidio â chroesi lle nad ydynt yn medru gweld yn bell ar hyd y ffordd
  • eglurwch na ddylen nhw geisio croesi ffordd rhwng ceir sydd wedi parcio: ni fydd gyrrwyr yn gallu eu gweld yn dda iawn ac y gallai'r ceir gychwyn symud
  • defnyddiwch Reolau'r Groes Werdd gyda'ch plentyn; eglurwch fod rhaid stopio wrth ymyl y palmant, yna edrych bob ffordd a gwrando am draffig cyn croesi
  • pan fydd hi'n ddiogel croesi, cerddwch yn syth ar draws y ffordd gan ddal ati i edrych a gwrando am draffig
  • atgoffwch eich plant i ganolbwyntio - gallai pethau dynnu eu sylw, a hawdd iawn fyddai iddynt anghofio'r hyn a ddysgasant a rhedeg allan i'r ffordd
  • sicrhewch fod unrhyw un arall sy'n gwarchod eich plentyn yn dilyn yr un rheolau diogelwch ar y ffordd a chi

Dysgu am ddiogelwch ar y ffordd: dyma ganllaw lliwgar i'ch helpu i ddysgu am ddiogelwch ar y ffordd, yn cynnwys gemau y gallwch eu chwarae gyda'ch plentyn. Ffoniwch 0870 1226 236 neu anfonwch ebost: dft@twoten.press.net gan ddyfynnu'r cyfeirnod T/INF/803 i archebu eich copi rhad ac am ddim.

Croesfannau cerddwyr

  • dylech bob amser ddefnyddio croesfan sebra neu groesfan a reolir gan oleuadau, neu reolwr croesfan ysgol, os oes un
  • eglurwch fod rhaid i gerddwyr aros ar y palmant nes bod y traffig sy'n dod o'r ddwy ochr wedi stopio, bryd hynny'n unig mae hi'n ddiogel croesi
  • os oes ynys yng nghanol y ffordd, eglurwch wrth eich plentyn y dylai edrych ar ddau hanner y groesfan fel petaent yn groesfannau unigol
  • dywedwch wrth eich plentyn ei bod yn bwysig dal ati i edrych a gwrando wrth groesi, rhag ofn nad yw wedi cael ei weld gan yrrwr
  • rhybuddiwch eich plentyn i gadw golwg am feicwyr neu feicwyr modur, rhag ofn nad ydynt wedi ei weld
  • sicrhewch ei bod yn hawdd i'ch plentyn gael ei weld; mae'n syniad da gwisgo dillad lliwgar neu lachar yn ystod y dydd ac mae defnyddiau adlewyrchol yn gweithio'n dda yn y nos

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU