Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Rhieni
Diogelwch ar y ffordd i blant rhwng 7 ac 11 oed
Bydd yr awgrymiadau hyn yn helpu i gadw’ch plentyn yn ddiogel pan maent allan ac i ddatblygu synwyr dda ar y ffordd.
Yn saith mlwydd oed efallai bydd eich plentyn yn dal i afael yn eich llaw wrth i chi gerdded gydag ef tua'r ysgol - tair blynedd yn ddiweddarach gallai'ch plentyn fod yn mynd i'r ysgol heboch chi. Mae'r canllaw hwn yn awgrymu ffyrdd y gall eich plentyn fod yn annibynnol ac yn ddiogel ar yr un pryd, ond cofiwch, bydd ambell blentyn angen cwmni pan fydd yn mynd allan ar y ffordd nes ei fod o gwmpas wyth oed.
Pan fyddwch yn cerdded ar hyd y ffordd
Mae cerdded yn iachach na mynd yn y car. Ond ni fydd eich plentyn yn gallu gweld yr hyn y byddwch chi'n ei weld bob amser, ac ni fydd gyrrwyr bob amser yn gallu gweld eich plentyn, hyd yn oed os fyddant yn gallu'ch gweld chi. Dylech ddysgu'ch plentyn i wneud y canlynol:
- cerdded ar y palmant, neu ar lwybr os oes un, bob amser - peidio byth â chrwydro tua'r ffordd
- cerdded mor bell oddi wrth ochr y palmant â phosib
- ble nad oes palmant, dylid cerdded un ar ôl y llall mewn rhes ar ochr dde'r ffordd, gan wynebu'r traffig
Pan fyddwch yn mynd am dro
- eglurwch reolau diogelwch ar y ffyrdd
- defnyddiwch Reolau'r Groes Werdd
- siaradwch am yr hyn sy'n mynd ymlaen yn y stryd
- anogwch eich plentyn i siarad am yr hyn y maent yn ei weld ar y ffyrdd ac ydy'r pethau hyn yn ddiogel ai peidio
- gadewch i'ch plentyn wneud penderfyniadau gyda chi, fel eu bod yn dysgu trwy weithgaredd
- helpwch eich plentyn i gynllunio'r daith fwyaf diogel i'r siopau/tŷ nain ayb
Defnyddio croesfannau
Dysgwch eich plentyn i:
- ddefnyddio Rheolau'r Groes Werdd bob amser
- aros ar ymyl y palmant ger y groesfan er mwyn i yrwyr wybod eich bod eisiau croesi
- wrth groesfan sy'n rhoi arwydd i groesi, pwyswch y botwm ac aros nes bydd y dyn gwyrdd yn goleuo, peidiwch byth â cherdded allan i'r ffordd pan fydd y dyn coch yn cael ei arddangos, hyd yn oed os bydd y ceir wedi stopio a phobl eraill yn croesi
- gerdded ar y streipiau du a gwyn sydd ar groesfan - mae llawer o ddamweiniau yn digwydd o gwmpas croesfannau
- lle mae ynys yng nghanol y ffordd, eglurwch wrth eich plentyn y dylai edrych ar ddau hanner y groesfan fel petaent yn groesfannau unigol
- byddwch yn effro drwy'r amser: cofiwch fod beicwyr a beicwyr modur yn defnyddio'r ffyrdd yn ogystal â gyrrwyr
- lle mae ynys yng nghanol y ffordd, eglurwch wrth eich plentyn y dylai edrych ar ddau hanner y groesfan fel petaent yn groesfannau unigol
Cyrraedd yr ysgol yn ddiogel
Mae eich cyngor lleol yn gallu eich helpu i ddod o hyd i’r teithiau mwyaf diogel i’ch plentyn gerdded neu seiclo i’r ysgol. Cliciwch ar y ddolen isod i ddod o hyd i’ch cyngor lleol a chael cyngor ar deithio diogel ac eco-gyfeillgar yn eich ardal.
Mwy o ddolenni defnyddiol
Additional links
Cyfrifo eich ôl-troed carbon!
Defnyddio cyfrifiannell LLEIHAU'CH CO2 a chael gwybod sut y gallwch helpu i fynd i'r afael â newid yn yr hinsawdd
Cysylltiadau defnyddiol
Allweddumynediad llywodraeth y DU
