Gwefan llywodraeth y DU

Dan bump oed

Mae'n anghyfreithlon rhoi diod alcoholig i blentyn dan bump oed ac eithrio dan oruchwyliaeth feddygol mewn argyfwng.

Dan 16 oed

Caiff plant dan 16 oed fynd i unrhyw le mewn tafarn cyn belled â'u bod yn cael eu goruchwylio gan oedolyn, ond ni chânt unrhyw ddiodydd alcoholig.

Fodd bynnag, mae'n bosib y bydd gan ambell dafarn amodau trwyddedu a fydd yn golygu na chaiff plant fynd i mewn iddynt, fel tafarndai sydd wedi cael problemau ag yfed dan oed.

Pobl ifanc 16 neu 17 oed

Gall pobl ifanc 16 i 17 oed yfed cwrw, gwin neu seidr gyda phryd o fwyd os caiff ei brynu gan oedolyn, a'u bod gydag oedolyn. Mae'n anghyfreithlon i'r grŵp oed hwn yfed gwirodydd mewn tafarndai, hyd yn oed gyda phryd o fwyd.

Yn yr Alban, caiff pobl ifanc 16 ac 17 oed brynu cwrw, gwin neu seidr cyn belled â'i fod yn cael ei weini â phryd o fwyd ac yn cael ei yfed mewn man sy'n cael ei ddefnyddio dim ond ar gyfer bwyta prydau bwyd.

Dan 18 oed

Mae'n anghyfreithlon i unrhyw un o dan 18 oed brynu alcohol mewn tafarn, siop gwerthu alcohol, archfarchnad neu fan arall, neu i rywun brynu alcohol i berson dan 18 oed i'w yfed mewn tafarn neu fan cyhoeddus.

Mae gan rai trefi a dinasoedd is-ddeddfau lleol sy'n gwahardd pobl rhag yfed alcohol yn gyhoeddus.