Gwefan llywodraeth y DU

Pwy sy'n gymwys?

Os ydych chi'n cael Credyd Pensiwn neu Lwfans Cyflogaeth a Chymorth cysylltiedig ag incwm gydag elfen gweithgaredd yn seiliedig ar waith neu gymorth yn y prif gyfnod, efallai y byddwch yn gymwys i gael Taliad Tywydd Oer bob wythnos y bydd y tywydd yn oer iawn yn eich ardal chi.

• Lwfans Cyflogaeth a Chymorth - cyflwyniad

• Credyd Pensiwn

Mae'n bosib y byddwch hefyd yn gymwys i gael Taliad Tywydd Oer ar gyfer pob wythnos gymhwyso os ydych chi'n cael Cymhorthdal Incwm, Lwfans Ceisio Gwaith yn seiliedig ar incwm neu Lwfans Cyflogaeth a Chymorth cysylltiedig ag Incwm yn y cyfnod asesu a'ch bod yn cael un o'r canlynol:

• premiwm pensiynwr, premiwm pensiynwyr uwch, neu bremiwm mwy i bensiynwyr
• premiwm anabledd, premiwm anabledd estynedig neu bremiwm anabledd difrifol
• premiwm plentyn anabl
• Credyd Treth Plant sy’n cynnwys elfen anabledd neu elfen anabledd difrifol
• plentyn sy'n iau na phump oed yn y teulu

• Premiymau i bobl anabl

• Lwfans Ceisio Gwaith

• Cymhorthdal Incwm

Faint fyddwch chi'n ei gael?

Eleni, fe gewch £25 pan fydd cofnod neu ragolwg tymheredd cyfartalog eich ardal chi yn sero gradd Celsius neu'n is dros saith niwrnod yn olynol rhwng 1 Tachwedd a 31 Mawrth. Defnyddir gorsafoedd tywydd penodedig y Swyddfa Dywydd i gael yr wybodaeth hon.

Yr effaith ar fudd-daliadau eraill

Ni fydd Taliadau Tywydd Oer yn effeithio ar fudd-daliadau eraill yr ydych yn eu cael.

Sut i wneud cais

Does dim angen i chi wneud cais; fe gewch chi'r Taliad Tywydd Oer fel mater o drefn cyn belled â'ch bod yn gymwys.

Rhowch wybod i'ch canolfan bensiwn neu i'r Ganolfan Byd Gwaith os ydych chi'n meddwl y dylech fod wedi cael Taliad Tywydd Oer ond nad ydych wedi cael un.

• Pwy i gysylltu â nhw yn Y Gwasanaeth Pensiwn

• Cysylltu â'r Ganolfan Byd Gwaith Opens new window

Mwy o ddolenni defnyddiol

• Gofalu am blentyn anabl (adran gofalu am rywun)

• Budd-daliadau a lwfansau treth ar ôl ymddeol

• Hyfforddiant ar ddefnyddio'r we a chyfrifiaduron i bobl dros 50