Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Pensiynau a chynllunio ar gyfer ymddeol
Arweiniad i gonsesiynau a chymorth arall
Mae nifer o gonsesiynau a mathau eraill o gymorth ar gael os ydych yn 50 oed neu fwy. Gallant ei gwneud yn haws ichi fforddio gwneud y pethau yr ydych am eu gwneud - gan gynnwys gofalu amdanoch eich hun, teithio rhatach a thrwyddedau teledu am ddim.
Pa gymorth sydd ar gael
Mae elusennau lleol a chenedlaethol a mudiadau di-elw eraill yn gallu bod yn ffynhonnell ddefnyddiol o gymorth, cyngor a chefnogaeth i bobl hwn a'u gofalwyr. Mae gan rai elusennau cenedlaethol mawr ganghennau lleol sy'n cynnig amrediad eang o wasanaethau a gweithgareddau cymdeithasol.
Pasportau am ddim
Os ydych yn ddinesydd Prydeinig ac wedi'ch geni ar neu cyn 2 Medi 1929, gallwch wneud cais am basport deng mlynedd safonol 32 tudalen am ddim gan Wasanaeth Pasport y DU.
Tocynnau mantais i deithio ar fws
Yn aml iawn, mae teithio ar fws neu fws moethus yn ddewis rhatach wrth deithio. Mae amrywiaeth eang o brisiau rhatach ar gael ar y bysiau sy'n ei gwneud hi'n rhatach byth i chi fynd o fan i fan.
Mae gan bawb sy’n 60 oed neu’n hŷn ac yn breswyl yn Lloegr yr hawl i deithio am ddim ar fysiau lleol ar adegau tawel unrhyw le yn Lloegr drwy ddefnyddio Tocyn Bws Cenedlaethol.
Yng Nghymru, os ydych chi’n 60 oed neu’n hŷn, mae gennych hawl i docyn bws am ddim o’ch awdurdod lleol, gallwch ei ddefnyddio ar unrhyw adeg o’r dydd ar bob gwasanaeth bws lleol yng Nghymru.
Yn yr Alban, os ydych chi’n 60 oed neu’n hŷn, mae gennych hawl i wasanaethau bysiau lleol a choetsys pellter hir rhestredig am ddim o fewn yr Alban ar unrhyw adeg y dydd.
Gall bawb sy’n 65 oed neu’n hŷn sy’n byw yng Ngogledd Iwerddon deithio ar fysiau a threnau am ddim gyda Senior SmartPass.
Cerdyn trên i bobl hŷn
Os ydych chi’n 60 oed neu’n hŷn, gallwch arbed traean ar y rhan fwyaf o docynnau trên safonol a dosbarth cyntaf ledled Prydain wrth brynu Cerdyn Trên i Bobl Hŷn. Mae hyn yn golygu bod teithio ar drên yn fwy fforddiadwy a hygyrch.
Trwyddedau teledu am ddim
Os ydych chi'n 75 oed neu'n hŷn mae gennych chi hawl i drwydded deledu am ddim. Os ydych chi'n 74 oed, cewch wneud cais am drwydded dros dro ar gyfer y misoedd hynny nes i chi gyrraedd 75 oed. Gallwch hefyd gael gostyngiad ar bris trwydded deledu os ydych chi'n byw mewn gofal preswyl.
Y Gronfa Byw'n Annibynnol
Os ydych chi dan 66 oed ac yn anabl iawn, efallai fod gennych hawl i gael arian o'r Gronfa Byw'n Annibynnol i helpu i dalu am ofal personol a domestig.
Cefnogaeth a'ch iechyd beunyddiol
Mae archwiliadau meddygol rheolaidd ar gael i’ch helpu i sylwi ar unrhyw broblemau meddygol posibl. Efallai fod rhai gwasanaethau iechyd ar gael i chi am ddim neu am bris consesiwn - megis profion llygaid, gofal deintyddol, presgripsiynau ac imiwneiddiadau. Mae cefnogaeth hefyd ar gael ar gyfer achosion o gam-drin yr henoed.
