Gwefan llywodraeth y DU

Tabl o ffioedd pasbort

Nodir y ffioedd pasbort cyfredol yn y tabl

	Drwy'r post	Gwasanaeth Gwirio ac Anfon *	Gwasanaeth wythnos Trac Cyflym	Gwasanaeth undydd Premiwm
Pasbort oedolyn cyntaf** (gan gynnwys cyfweliad am basbort)	£77.50	£77.50	AMH	AMH
Cael pasbort newydd yn lle un sydd ar goll neu wedi'i ddwyn	£77.50	£77.50	£112.50	AMH
Pasbort plentyn cyntaf a phan oedd y plentyn wedi'i gynnwys ar basbort rhiant cyn hynny	£49	£49	£96.50	AMH
Cael pasbort plentyn newydd yn lle un sydd ar goll, wedi'i ddwyn neu wedi'i ddifrodi	£49	£49	£96.50	AMH
Adnewyddu neu newid pasbort oedolyn presennol**	£77.50	£77.50	£112.50	£129.50
Adnewyddu neu newid pasbort presennol plentyn**	£49	£49	£96.50	£109.50
Ymestyn pasbort plentyn a chanddo ddilysrwydd cyfyngedig a gyhoeddwyd cyn 1 Mai 2008	Am ddim	Am ddim	Am ddim	AMH
Ymestyn pasbort plentyn a chanddo ddilysrwydd cyfyngedig a gyhoeddwyd ar 1 Mai 2008 neu ar ôl hynny	£49	£49	£96.50	AMH
Ymestyn pasbort oedolyn a chanddo ddilysrwydd cyfyngedig a gyhoeddwyd cyn 1 Mai 2008	Am ddim	Am ddim	Am ddim	Am ddim
Ymestyn pasbort oedolyn a chanddo ddilysrwydd cyfyngedig a gyhoeddwyd ar 1 Mai 2008 neu ar ôl hynny	£77.50	£77.50	£112.50	AMH
Pasbort mawr (48 tudalen) (nid yw hwn ar gael i blant)	£90.50	£90.50	£120.50	£138.50***

* Mae'r Gwasanaeth Hunaniaeth a Phasbortau yn argymell y gwasanaeth hwn. Yn ogystal â'r ffi a nodir, mae'n rhaid i chi dalu ffi weinyddol i Swyddfa'r Post. Mae'r ffi yn £6.85 ar hyn o bryd.

** Os cawsoch eich geni ar 2 Medi 1929 neu cyn hynny, rydych yn gymwys i gael pasbort deg-mlynedd 32-tudalen safonol am ddim. Ar gyfer y gwasanaeth Trac Cyflym a'r gwasanaeth Premiwm, rydych yn talu'r gwahaniaeth rhwng ffi safonol y pasbort a'r ffi ar gyfer y gwasanaeth gwell wrth y cownter. Er enghraifft, y ffi arferol ar gyfer y gwasanaeth Trac Cyflym yw £97 llai'r ffi pasbort safonol o £72. Felly byddech yn talu ffi o £25.

*** Dim ond gyda'r gwasanaeth Premiwm y gellir cael pasbort mawr os ydych yn gwneud cais i adnewyddu pasbort presennol.

Amseroedd prosesu

Mae'r gwasanaeth wythnos Trac Cyflym a'r gwasanaeth undydd Premiwm yn sicr o'ch cyrraedd, ond nid yw'r un fath yn wir am amseroedd y gwasanaeth Gwirio ac Anfon a'r gwasanaeth safonol drwy'r post. Gall y rhain amrywio yn ôl y galw.

Mae'n rhaid i chi bob amser wneud apwyntiad i wneud cais personol gan ddefnyddio'r gwasanaeth Premiwm neu'r gwasanaeth Trac Cyflym. Gallwch wneud hyn drwy ffonio'r Llinell Gymorth Pasbortau 24 awr ar 0300 222 0000.

I gael gweld yr amseroedd prosesu cyfredol ewch i 'Amserlen ar gyfer ceisiadau am basbortau'. Ewch i 'Ceisiadau brys am basbortau' i gael mwy o wybodaeth am y gwasanaeth Trac Cyflym a'r gwasanaeth Premiwm.

• Gwasanaeth Gwirio ac Anfon Swyddfa'r Post

• Amserlen ar gyfer ceisiadau am basbortau

• Ceisiadau brys am basbort

Beth y mae'r ffi yn ei gynnwys

Nid yw'r Gwasanaeth Hunaniaeth a Phasbortau yn gwneud elw. Mae ffioedd pasbort yn cynnwys y costau o ddarparu gwasanaethau pasbort yn y DU.

Gelwir rhan o'r ffi yn 'bremiwm is-genhadaeth' a chaiff ei hychwanegu gan y Swyddfa Dramor a Chymanwlad. Mae'n talu am y costau o ddarparu'r cymorth sydd ar gael gan is-genhadon i ddinasyddion Prydeinig sy'n canfod eu hunain mewn trafferthion tra byddant dramor.

Postio

Mae'r ffi pasbort yn cynnwys dychwelyd eich pasbort newydd drwy Gludiant Diogel (Secure Delivery) a dychwelyd eich dogfennau ategol drwy bost ail ddosbarth.

Gall y Gwasanaeth Hunaniaeth a Phasbortau hefyd ddychwelyd eich dogfennau ategol drwy Gludiant Diogel am ffi ychwanegol o £3. Caiff y ffi hon ei hepgor:

• os byddwch yn adnewyddu eich pasbort am basbort mawr 48 tudalen
• os cawsoch eich geni cyn 2 Medi 1929

Ni fydd y Gwasanaeth Hunaniaeth a Phasbortau yn talu am ddifrod neu oedi o ganlyniad i ddefnyddio gwasanaethau post dosbarth cyntaf neu ail ddosbarth y Post Brenhinol.

Pryd allwch chi hawlio ad-daliad ffi Premiwm/Trac Cyflym

Gallwch hawlio ad-daliad ffi Premiwm/Trac Cyflym (nid y ffi safonol) os na fydd y Gwasanaeth Hunaniaeth a Phasbortau yn llwyddo i ddarparu'r gwasanaeth o fewn yr amser penodedig. Fodd bynnag, ni wnaiff y Gwasanaeth Hunaniaeth a Phasbortau ad-dalu'r ffi os oedd yr amgylchiadau pam nad oeddent wedi llwyddo i ddarparu'r gwasanaeth y tu hwnt i'w rheolaeth resymol.

Gallwch hefyd hawlio ad-daliad am ffi'r gwasanaeth Premiwm neu'r gwasanaeth Trac Cyflym ar sail tosturi os:

• bydd angen i chi deithio ar frys o ganlyniad i farwolaeth neu salwch difrifol aelod o'r teulu, ffrind neu gydweithiwr
• ydych yn teithio dramor i gael triniaeth feddygol
• ydych yn ddifrifol wael, neu'n ofalwr am rywun difrifol wael, a bod eith taith wedi'i threfnu gan fudiad elusennol/crefyddol

Mae'r Gwasanaeth Hunaniaeth a Phasbortau yn asesu pob cais ad-daliad yn unol â'i feini prawf ei hun.

Gallwch lwytho ffurflen Hawlio Ad-daliad yma neu ofyn am un drwy ffonio'r Llinell Gymorth Pasbortau 24 awr ar 0300 222 0000. Darllenwch y nodiadau a ddaw gyda'r ffurflen a llenwch bob adran cyn ei hanfon at y Swyddfa Basbort lle gwnaethoch eich cais.

Nodyn ar amser prosesu'r gwasanaeth Premiwm

Mae gwasanaeth undydd Premiwm ar gael yn ystod yr wythnos ar gyfer apwyntiadau cyn:

• 4.00 pm yn Llundain
• 1.30 pm yn Lerpwl
• 1.00 pm yn Peterborough
• 12.30 pm yn Glasgow a Chasnewydd
• 12.00 yn Belffast a Durham

Ar ddydd Sadwrn, mae'r gwasanaeth undydd Premiwm ar gael ar gyfer apwyntiadau cyn 11.00am.

Bydd yn rhaid aros pedair awr am eich pasbort rhwng yr amser y caiff eich cais ei dderbyn a'r amser y cewch dderbynneb gan yr ariannwr.

• Download ffurflen hawlio i gael ad-daliad o ffioedd Premiwm a Thrac Cyflym (PDF, 72K)

• Cymorth gyda ffeiliau PDF

Sut mae talu

Os ydych yn gwneud cais drwy wasanaeth Gwirio ac Anfon Swyddfa'r Post, gallwch dalu wyneb yn wyneb (codir tâl am y gwasanaeth hwn) gydag:

• arian parod
• siec (wedi'i gwneud yn daladwy i 'Swyddfa'r Post Cyf')
• cerdyn debyd
• cerdyn credyd

Os ydych yn gwneud cais drwy'r post, gallwch dalu gyda:

• siec
• archeb bost
• cerdyn credyd neu gerdyn debyd (llenwch y cyfarwyddyd yn y pecyn cais am basbort)

Peidiwch ag anfon arian parod drwy’r post.

Ar gyfer ceisiadau drwy'r post, gwnewch eich siec neu'ch archeb bost yn daladwy i'r 'Gwasanaeth Hunaniaeth a Phasbortau'.

Os ydych yn gwneud cais wyneb yn wyneb mewn Swyddfa Basbort Ranbarthol gyda:

• cherdyn credyd neu gerdyn debyd
• siec bersonol gyda cherdyn gwarant siec
• archeb bost
• arian parod