Gwefan llywodraeth y DU

Cwyno am wasanaethau bws

Os oes gennych gŵyn am wasanaeth bws, dylech ysgrifennu at y cwmni i ddechrau, gan roi cymaint ag y bo modd o fanylion am y daith, ac os oes modd, cynnwys y tocyn.

Os ydych yn dal i fod yn anhapus ar ôl hynny, gallwch fynd at y corff perthnasol sy'n delio â chwynion.

Llundain, Yr Alban a Gogledd Iwerddon

Mewn rhai mannau penodol o'r DU gall y cyrff cwynion statudol canlynol ddelio â chwynion am wasanaethau bws:

• London TravelWatch
• Passengers' View Scotland
• Cyngor Defnyddwyr Cyffredinol Gogledd Iwerddon

Gallant eich helpu gyda'r agweddau masnachol, megis prisiau tocynnau a lefelau gwasanaeth, tocynnau, amserlenni a llwybrau bysiau.

• Mwy am TravelWatch Llundain (yn agor ffenestr newydd)
• Mwy am Gyngor Defnyddwyr Cyffredinol Gogledd Iwerddon (yn agor ffenestr newydd)
• Mwy am Passengers' View Scotland (yn agor ffenestr newydd)

Lloegr (y tu allan i Lundain) a Chymru

Ar gyfer Lloegr (y tu allan i Lundain) a Chymru, dylid anfon cwynion at y Corff Apeliadau Bysiau. Efallai y gallant hwy helpu i ddatrys cwynion am ddiffyg dibynadwyedd, prydlondeb, ymddygiad staff neu wybodaeth wael. Fodd bynnag, yn wahanol i'r cyrff yn Llundain, yr Alban a Gogledd Iwerddon, ni allant eich helpu gyda'r agweddau masnachol.

Gall y Corff Apeliadau Bysiau hefyd ddelio â chwynion o rannau eraill o'r DU sydd y tu allan i'r cylch o gyrff a sonnir amdanynt uchod, megis gwasanaethau bws moethus.

• Ymweld â gwefan y Corff Apeliadau Bysiau (yn agor ffenestr newydd)

Newidiadau i wasanaethau

Os na fydd cwmni'n fodlon darparu neu barhau i redeg gwasanaeth oherwydd nad oes digon o deithwyr yn ei ddefnyddio, efallai y gall eich cyngor lleol neu'r Weithrediaeth Cludiant Teithwyr helpu.

• Dod o hyd i'ch cyngor lleol
• Dod o hyd i'ch Gweithrediaeth Cludiant Teithwyr lleol (yn agor ffenestr newydd)

Cwyno am safonau

Gellir cwyno am safon cwmnïau bysiau, yn enwedig yn ymwneud â:

• diogelwch
• cynnal a chadw cerbyd
• prydlondeb gwasanaethau bysiau lleol

Gellir cwyno hefyd wrth gomisiynydd traffig yr ardal draffig berthnasol, neu wrth yr Asiantaeth Gwasanaethau Cerbydau a Gweithredwyr (VOSA).

• Dod o hyd i gomisiynydd traffig (yn agor ffenestr newydd)
• Mwy am VOSA (yn agor ffenestr newydd)

Cwyno am arosfannau a gorsafoedd bysiau

Os ydych am gwyno am loches, arosfan neu orsaf bysiau, cysylltwch ag adran drafnidiaeth eich awdurdod lleol (gallwch gysylltu â nhw trwy eich cyngor lleol).

• Dod o hyd i'ch cyngor lleol