Gwefan llywodraeth y DU

Teithio ar fysiau am ddim yn eich ardal

O fis Ebrill 2006 bydd pawb yn Lloegr sydd:

• dros 60 oed, neu
• yn anabl

yn cael cerdyn bws blynyddol rhad ac am ddim a fydd yn gadael iddynt deithio am ddim ar fysiau ar adegau tawel yn ardal yr awdurdod lleol lle maent yn byw. Mae teithio ar adegau tawel yn golygu unrhyw amser ar ôl 9.30 am o ddydd Llun i ddydd Gwener, a thrwy'r dydd ar benwythnosau.

Mae rhai awdurdodau lleol wedi dewis darparu mwy o gyfleoedd i deithio am ddim, neu'n cynnig manteision eraill megis teithio ar dramiau, ond mater i'r cyngor lleol yw hyn yn gyfan gwbl. I gael gwybod a ydy'ch cynllun chi wedi'i ymestyn yn bellach na'ch ardal leol, ac i gael eich cerdyn bws, cysylltwch â'ch cyngor lleol.

Ehangu teithio ar fysiau am ddim yn Lloegr

O 1 Ebrill 2008, yn Lloegr, bydd gan bobl sy'n 60 oed a hŷn a/neu sy’n bobl anabl cymwys, hawl i deithio am ddim ar fysiau lleol ar adegau tawel yn unrhyw le yn Lloegr.

Bydd awdurdodau lleol yn dal i allu cynnig mwy o fanteision i'w preswylwyr, ond dim ond ar gyfer teithio yn yr ardaloedd lleol hynny, nid ym mhob man yn Lloegr.

• Mwy am ehangu teithio ar fysiau am ddim o Ebrill 2008
• Mwy am docynnau mantais i deithio ar fws i bobl dros 60 (adran dros 50)
• Mwy am docynnau mantais i deithio ar fws i bobl anabl (adran pobl anabl)
• Dod o hyd i’ch cyngor lleol

Bysiau Llundain

Yn Llundain, gall pobl ifanc o dan 16 oed (os ydynt yn byw yn y ddinas neu'n ymweld â hi) deithio am ddim ar y bysiau, ond rhaid i blant rhwng 14-15 oed gael cerdyn llun Oyster er mwyn teithio am ddim.

Gall pobl ifanc rhwng 16-17 (a rhai sy’n 18 oed) mewn addysg llawn amser neu ar gynllun dysgu yn y gwaith sy’n byw mewn cyngor Llundain teithio am ddim ar fysiau a thramiau ar rwydwaith bws Llundain i gyd, yn cynnwys adrannau tu allan i Lundain Fawr, ar yr amod bod ganddynt gerdyn llun Oyster dilys.

Gellir dod o hyd i wybodaeth am sut i gael cerdyn llun Oyster ar wefan Transport for London (TfL).

• Cardiau llun Oyster – gwybodaeth ar wefan TfL (yn agor ffenestr newydd)

Cael pris gostyngol

Bydd tocynnau bws am bris gostyngol, neu docynnau mantais bws, weithiau ar gael ar gyfer y canlynol:

• pobl ifanc dan 18 oed
• myfyrwyr mewn addysg amser llawn

Bydd rhai cwmnïau bysiau hefyd yn caniatáu

• pobl dros 60 oed
• teithwyr anabl

i gael teithio ar fysiau am hanner pris.

Bydd gan eich awdurdod lleol fanylion y cynlluniau trafnidiaeth lleol yn eich ardal – gallwch gysylltu â nhw trwy eich cyngor lleol.

• Dod o hyd i'ch cyngor lleol