Gwefan llywodraeth y DU

Pwy sy'n gyfrifol am barcio

Awdurdodau traffig lleol (cynghorau lleol fel arfer) ynghyd â chwmnïau preifat, sy'n gyfrifol am reoli parcio.

Mae rheoli parcio'n golygu:

• creu llefydd parcio
• cynnal meysydd parcio
• creu meysydd parcio a reolir, lle gellir cadw llefydd parcio ar gyfer pobl a chanddynt gerdyn parcio neu gyfyngu'r llefydd parcio i amseroedd penodol o'r dydd

Pwy sy’n gorfodi rheoliadau parcio?

Mae hyn yn dibynnu ar ble yr ydych chi’n byw. Mewn nifer o ardaloedd, yn cynnwys Llundain, mae gan yr awdurdodau lleol y pŵer i orfodi cyfyngiadau parcio. Mewn eraill, mae parcio yn fater troseddol, sy’n cael eu gorfodi gan yr heddlu a’u delio gyda thrwy lysoedd yr ynadon.

• Dod o hyd i’ch cyngor lleol
• Dod o hyd i faes parcio ger gorsaf diwb yn Llundain Opens new window
• Talu ac apelio yn erbyn dirwyon parcio (adran y cartref a’r gymuned)

Cyfyngiadau parcio

Rhaid i chi dalu am barcio yn y rhan fwyaf o feysydd parcio a pharthau parcio a reolir. Gellir codi dirwy arnoch os byddwch yn parcio heb dalu neu'n aros yn hirach nag a ganiateir.

Ceir dau fath o system rheoli parcio:

• parcio cyfyngedig - ar gyfer aros a llwytho'n unig
• parcio dynodedig - mae hwn yn nodi ble y gellir gadael cerbydau a dan pa amodau, ac mae'n cynnwys parthau parcio preswyl

Ceir hefyd ardaloedd lle na chaniateir parcio neu aros:

• llinellau melyn dwbl - ni cheir parcio yma, ond efallai y gellir llwytho dan rai eithriadau penodol
• llinellau melyn sengl - ni cheir parcio yma ar adegau penodol
• llwybrau coch - bydd llinell goch sengl fel arfer yn gwahardd stopio a pharcio yn ystod oriau gwaith, tra bydd llinell goch ddwbl yn gwahardd stopio a pharcio ar unrhyw adeg

• Gwybodaeth am lwybrau coch Opens new window
• Cardiau parcio ar gyfer preswylwyr (adran y cartref a’r gymuned)
• Rheolau'r Ffordd Fawr - 'aros a pharcio'

Clampio olwynion a symud cerbydau sydd wedi eu parcio'n anghyfreithlon

• Herio penderfyniad i glampio'ch cerbyd Opens new window
• Ymweld â gwefan Awdurdod y Diwydiant Diogelwch (SIA) Opens new window

Cynlluniau Parcio a Theithio

Mae llawer o drefi a dinasoedd yn rhedeg cynlluniau Parcio a Theithio i annog gyrwyr i barcio ar y cyrion yn hytrach na gyrru i ganol y dref neu'r ddinas. Mae'r cynlluniau hyn yn defnyddio cyfuniad o feysydd parcio ar y cyrion, a system trafnidiaeth gyhoeddus (bws fel arfer) sy'n cludo teithwyr o'r meysydd parcio hynny'n uniongyrchol i'r canol.

Mae cynlluniau Parcio a Theithio yn amrywio yn dibynnu ar lle'r ydych yn byw. Dim ond ar rai diwrnodau prysur y bydd rhai cynlluniau'n rhedeg, ond bydd eraill yn rhedeg drwy'r wythnos. Bydd y prisiau'n amrywio hefyd. Dim ond codi am docyn bws y bydd rhai cynlluniau, ond bydd cynlluniau eraill yn codi am barcio'r car ac am deithio ar y bws.

Mae rhai cynlluniau'n caniatáu i blant deithio am ddim, neu'n defnyddio system o roi tocynnau fesul car, lle mae nifer y bobl sy'n cyrraedd mewn un cerbyd yn cael teithio ar docyn sengl am un pris.

• Dod o hyd i'ch gwasanaeth Parcio a Theithio lleol Opens new window

Cynllun parcio gwyrdd yn Sheffield

Gan fod trafnidiaeth yn cyfrannu'n sylweddol tuag at lygredd aer, mae Cyngor Dinas Sheffield wedi cyflwyno cynllun parcio gwyrdd i wobrwyo gyrwyr cerbydau glanach.

Mae'r cynllun ar waith ym Mharth Parcio Canolog Sheffield ac mae'n caniatáu parcio am ddim hyd at amser penodol mewn unrhyw faes parcio Cyngor Dinas oddi ar y stryd neu unrhyw fannau talu-ac-arddangos ar y stryd.

I fod yn gymwys ar gyfer y cynllun, rhaid i geir beidio â chael eu gyrru gan betrol neu ddisel yn unig. Rhai enghreifftiau o geir sy'n gymwys ar gyfer y cynllun yw ceir sy'n rhedeg ar drydan, nwy, bio-disel a dau-danwydd.

• Mwy am y cynllun parcio gwyrdd Opens new window
• Mwy am yrru a cheir mwy gwyrdd (adran yr amgylchedd a byw'n wyrdd)

Cynlluniau parcio eraill

Ceir cynlluniau parcio eraill sydd â'r nod o'i gwneud yn haws i grwpiau penodol o bobl ddod o hyd i fan parcio.

Ymhlith y rhain, mae’r canlynol:

• cynlluniau parcio i breswylwyr - sy'n rhoi cerdyn parcio i breswylwyr mewn ardaloedd sy'n brin o lefydd parcio
• mae’r Cynllun Parcio Bathodyn Glas yn cynnig parcio am ddim neu am bris gostyngol a mynediad at lefydd parcio cyfleus i bobl anabl ag anawsterau cerdded difrifol mewn cerbydau y byddant yn eu defnyddio fel gyrwyr neu fel teithwyr

• Cardiau parcio ar gyfer preswylwyr (adran y cartref a’r gymuned)
• Y cynllun parcio Bathodyn Glas (adran pobl anabl)
• Dod o hyd i fannau parcio Bathodyn Glas (adran pobl anabl)