Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Teithio a thrafnidiaeth

Travel and transport

Cyngor am deithio i wledydd

Os ydych chi'n bwriadu teithio dramor, mae amrywiaeth o wybodaeth a chyngor ar gael, gan gynnwys cyngor gan y Swyddfa Dramor a Chymanwlad ynghylch teithio o amgylch y byd.

Cael gwybod am fygythiadau posibl

Fe allwch chi edrych ar wefan y Swyddfa Dramor a Chymanwlad lle ceir hysbysiadau teithio. Bydd yr hysbysiadau hyn yn gymorth i chi osgoi helynt. Maent yn rhoi gwybodaeth am fygythiadau posibl i'ch diogelwch personol oherwydd aflonyddwch gwleidyddol, gweithgareddau terfysgol, anhrefn, trais, trychinebau naturiol ac epidemigau, ynghyd â rhoi gwybodaeth am gyfreithiau lleol a'r gofynion ar gyfer mynd i mewn i wledydd.

Caiff y wybodaeth ei hadolygu bob mis a phryd bynnag y bydd digwyddiad o bwys. Pan fydd argyfwng yn datblygu mewn ardal, caiff y cyngor ei ddiweddaru'n amlach, weithiau sawl gwaith y diwrnod.

Ymwybyddiaeth ddiwylliannol

Gall gwerthfawrogi gwahaniaethau diwylliannol a chyfreithiol eich helpu i osgoi sefyllfaoedd anodd neu sefyllfaoedd a allai achosi chwithdod i chi.

Dyma rai cynghorion:

  • prynwch lawlyfr da a dysgwch am y cyfreithiau, yr arferion a'r diwylliant lleol
  • ewch â llyfr ymadroddion gyda chi
  • parchwch arferion lleol a dulliau gwisgo, gan ystyried beth fyddwch chi'n ei wisgo a pha mor weddus yw hynny
  • byddwch yn synhwyrol cyn mynegi'ch barn am wahaniaethau diwylliannol, gan ymddwyn a gwisgo'n addas, yn enwedig wrth ymweld â mannau crefyddol, marchnadoedd a chymunedau gwledig
  • dylech fod yn arbennig o ofalus nad ydych yn pechu yn erbyn crefydd Islam yn y ffordd y byddwch chi'n gwisgo ac yn ymddwyn, ac o ran cysylltiadau rhywiol, alcohol a chyffuriau - mewn rhai gwledydd, er enghraifft, mae'n anghyfreithlon yfed, a gall mewnforio alcohol i'r wlad arwain at gosbau llym iawn
  • gofynnwch am ganiatâd unigolyn bob amser cyn tynnu llun ohonynt a pharchwch eu dymuniadau - mewn rhai diwylliannau, gall tynnu llun o fenyw ddigio pobl yn arw
  • peidiwch â bargeinio yn rhy ymosodol; yn y rhan fwyaf o'r gwledydd lle bydd bargeinio'n digwydd, gwneir hynny gyda hiwmor ac ni fydd yn para'n rhy hir - mae'n bwysig cofio mai ychydig geiniogau efallai fydd y gwahaniaeth i chi, ond gall hynny fod yn incwm sylweddol i'r gwerthwr
  • does dim niwed mewn bod yn rhy ofalus - gall ymddygiad a fyddai'n hollol ddiniwed mewn gwlad arall arwain at helbul difrifol

Cael mwy o gyngor

Gallwch gael cyngor am deithio drwy ffonio canolfan alw cyngor teithio'r Swyddfa Dramor a Chymanwlad ar 0845 850 2829. Gallwch hefyd fynd ar wefan y Swyddfa Dramor a Chymanwlad i gael amrywiaeth o gyngor teithio manwl.

I gael cyngor ar deithio i wledydd yn yr Undeb Ewropeaidd gallwch fynd ar wefan Your Europe.

Yn yr adran hon...

Additional links

Allweddumynediad llywodraeth y DU