Gwefan llywodraeth y DU

Beth yw cenadaethau diplomyddol

Mae cenadaethau diplomyddol bob amser wedi'u lleoli mewn prifddinasoedd; gall cenadaethau consiwlar fod rhywle arall yn y wlad.

Mae cenadaethau consiwlar hefyd yn cael eu galw, yn dibynnu ar eu pwysigrwydd, yn:

• is-genadaethau cyffredinol
• is-genadaethau
• dirprwy is-genadaethau
• asiantaethau consiwlar

Yng ngwledydd y Gymanwlad, caiff cenhadaeth ddiplomyddol ei galw'n 'uwch gomisiwn'. Mewn gwlad nad yw'n rhan o'r Gymanwlad, fe'i gelwir yn 'llysgenhadaeth'

• Rhestr i chwilio am lysgenadaethau, uwch gomisiynau ac is-genadaethau'r DU dramor Opens new window
• Cyngor am deithio dramor Opens new window

Gwaith yr Is-gennad Prydeinig

Prif waith yr Is-gennad Prydeinig yw gwarchod buddiannau dinasyddion y DU. Gall staff yr Is-gennad gynnig cefnogaeth, cymorth a chyngor ymarferol. Mae eu gwaith arferol yn cynnwys:

• darparu pasportau a phasportau brys
• cofrestru genedigaethau a marwolaethau
• delio gydag achosion o gipio plant a phriodasau a orfodir
• helpu Prydeinwyr sydd wedi cael eu cadw'n gaeth neu eu carcharu, wedi eu cymryd yn wael neu wedi dioddef trosedd

Maent hefyd yn defnyddio'u gwybodaeth leol i asesu'r peryglon i ddinasyddion y DU.

Help ar gyfer dinasyddion sydd â chenedligrwydd deuol

Os ydych chi'n ddinesydd â chenedligrwydd deuol sy'n teithio dramor ar eich pasport Prydeinig mewn gwlad nad ydych yn un o'i dinasyddion, gall yr Is-gennad Prydeinig roi cymorth llawn i chi.

Os ydych chi'n teithio ar basport eich cenedligrwydd arall, dylech fel arfer fynd i lysgenhadaeth, uwch gomisiwn neu is-genhadaeth y wladwriaeth honno.

Os ydych chi'n teithio yng ngwlad eich cenedligrwydd arall, ni fyddai'r Is-gennad Prydeinig fel arfer yn rhan o unrhyw drefniadau sydd gennych gyda'r wlad honno, oni bai fod rheswm dyngarol arbennig dros wneud hynny.