Gwefan llywodraeth y DU

Yr hyn sydd ar gael ar Directgov

Directgov yw’r wefan i gael gwybodaeth o bob math am y llywodraeth a’i gwasanaethau.

Os oes gennych chi gwestiynau am eich addysg neu os ydych chi am wybod sut i drefnu prawf gyrru, mae'r cyfan ar gael yma. Mae Directgov yn rhoi gwybodaeth ddiduedd i chi am bethau a all effeithio ar eich bywyd o ddydd i ddydd.

I fanteisio i'r eithaf ar y wefan, ewch i'r hafan ar gyfer pobl ifanc a dewiswch y categori sy'n fwyaf perthnasol i'r hyn rydych chi am ei wybod. Bydd hyn yn arwain at dudalen arall ble bydd mwy o ddewisiadau i gael y wybodaeth a fydd yn rhoi'r atebion i chi. Os na allwch chi ddod o hyd i'r hyn rydych chi'n chwilio amdano, ceisiwch ddefnyddio'r blwch chwilio a theipiwch rai o'r geiriau allweddol i gael y wybodaeth angenrheidiol.

Ddim yn siŵr sut y gall Directgov helpu? Dyma rai enghreifftiau o'r math o wybodaeth sydd ar Directgov.

Teithio o gwmpas

Cewch wybod am ddysgu gyrru a diogelwch ar y ffordd, yn ogystal â chael gwybodaeth am drafnidiaeth gyhoeddus.

• Teithio
• Yr oedrannau ieuengaf a'r rheolau ar gyfer dysgu gyrru car neu feic modur
• Egluro'r prawf theori

Teithio dramor

Os ydych chi'n mynd ar eich gwyliau neu'n bwriadu mynd i deithio, cewch wybod sut i wneud cais am basport a chael rhai awgrymiadau defnyddiol ynghylch sut i baratoi ar gyfer eich taith.

• Pasportau a fisas
• Cyngor am deithio i wledydd penodol
• Rhestr atgoffa i deithwyr

Ysgol, addysg bellach a phrifysgol

Fe allwch gael gwybodaeth am fynd i goleg neu brifysgol a chanfod sut fath o fywyd y cewch chi yno.

Os ydych chi'n dal i fod yn yr ysgol, fe allwch chi gael gwybod am y cwricwlwm a beth y gallech chi ei astudio yn y dyfodol.

• A yw addysg uwch yn addas i mi
• Gwneud cais am gwrs addysg uwch
• Penderfyniadau ym Mlwyddyn 9: dewis yr hyn sy'n iawn i chi

Gwleidyddiaeth a'r llywodraeth

Os oes gennych ddiddordeb yn y ffordd y mae'r wlad yn gweithio a strwythur y llywodraeth, ceir canllaw ardderchog i'r Deyrnas Unedig a'i rôl yn yr Undeb Ewropeaidd.

Swyddi a gyrfaoedd

Os ydych chi'n chwilio am waith neu ar fin dechrau gweithio, fe allwch chi gael gwybodaeth am eich hawliau i gyd fel cyflogai.

Ffyrdd o ddefnyddio'r wefan

Nid dyna'r cyfan - ewch i hafan Directgov i weld yr holl wybodaeth a'r holl wasanaethau sydd ar gael i chi. Ddim yn siŵr am beth rydych chi'n chwilio? Ewch drwy'r adrannau gwahanol i weld beth sy'n tynnu'ch sylw.

Nid gwybodaeth am y llywodraeth yn unig sydd ar gael. Mae Directgov hefyd yn cynnig dolenni i adrannau eraill a allai roi cymorth pellach i chi am yr hyn rydych chi am ei wybod.

Os ydych chi'n chwilio am ddeunydd sydd wedi'i anelu atoch chi, ewch i'r hafan pobl ifanc i gael gweld beth sydd ar gael.

Os cewch chi drafferth, defnyddiwch yr adran 'Help', sy'n rhoi mwy o gyngor gwerthfawr am ddefnyddio Directgov

• Hafan pobl ifanc
• Directgovtest