Gwefan llywodraeth y DU

Beth yw anhwylderau bwyta

Mae pobl sy'n dioddef anhwylder bwyta'n poeni gymaint am bopeth y maent yn ei fwyta fel y gall reoli eu bywyd. Gall eu rhwystro rhag gwneud penderfyniadau realistig am yr hyn y maent yn ei fwyta a faint y dylent ei fwyta.

Gall pobl ddatblygu anhwylderau bwyta am nifer o resymau. Mae'r rhain yn cynnwys:

Os na chânt eu canfod, gall anhwylderau bwyta achosi problemau iechyd mawr gan eu bod yn atal y corff rhag cael yr ynni a'r maetholion sy'n hanfodol i'r corff weithio'n iawn.

Er mai merched yw llawer o'r bobl ag anhwylderau bwyta, mae nifer gynyddol o ddynion yn ceisio cymorth.

Cofiwch na fydd gan bawb ag anhwylder bwyta'r un symptomau bob amser â pherson arall gyda'r un broblem.

Anorecsia

Mae'r rhai sy'n dioddef anorecsia nerfosa'n cyfyngu'n fawr iawn ar faint o fwyd y maent yn ei fwyta oherwydd bod ofn ennill pwysau arnynt. Gall rhai dioddefwyr beidio â bwyta dim neu ymprydio am nifer o ddyddiau.

Gall y rhai sy'n dioddef o'r cyflwr ers amser golli llawer o bwysau a byddant yn teimlo bod maint eu corff yn fwy na'i faint gwirioneddol. Mewn achosion difrifol, gall pobl farw o effeithiau anorecsia gan nad yw'r corff yn gallu gweithio fel y dylai, yn enwedig os na fydd y dioddefwr yn ceisio cymorth.

• Mwy o wybodaeth am anorecsia Opens new window

Bwlimia

Mae bwlimia nerfosa'n wahanol i anorecsia, gan fod y dioddefwyr yn bwyta llawer o fwyd yn gyflym iawn, ac wedyn yn gorfodi'u hunain i chwydu neu gymryd carthyddion i gael gwared â'r holl fwyd.

Mae hyn yn digwydd mewn cylchoedd yn dibynnu ar ba mor ddifrifol y mae'r person yn dioddef o bwlimia. Gall y cylchoedd ddigwydd bob ryw ychydig o fisoedd neu hyd yn oed sawl gwaith bob diwrnod.

• Mwy o wybodaeth am bwlimia Opens new window

Gorfwyta mewn pyliau

Efallai eich bod yn meddwl bod pob anhwylder bwyta'n achosi pobl i golli llawer o bwysau, ond gall pobl sy'n gorfwyta mewn pyliau ennill llawer iawn o bwysau oherwydd eu bod yn gorfwyta yn ystod y dydd neu'n parhau i fwyta pan nad ydyn nhw eisiau bwyd.

Ymateb i deimladau negyddol fel arfer yw gorfwyta mewn pyliau. Gall pobl sy'n gorfwyta mewn pyliau fynd yn ordew a gallant ddatblygu problemau gyda'r galon, pwysau gwaed a gall effeithio ar eu lefel ffitrwydd cyffredinol.

Ble i gael cymorth

Os ydych chi'n meddwl bod gennych anhwylder bwyta, neu os ydych chi'n amau bod ffrind neu berthynas yn dioddef ac am eu helpu, dylech siarad â meddyg. Gallant awgrymu ffyrdd o drin y broblem a gallant ddarparu manylion grwpiau cefnogi a mudiadau cymorth yn eich ardal leol.

Gallwch hefyd gysylltu â Llinell Ieuenctid y Gymdeithas Anhwylderau Bwyta, sy'n brofiadol yn gwrando ar bobl ifanc sy'n teimlo bod ganddynt broblemau gyda bwyta. Bydd popeth a ddywedwch dros y ffôn yn cael ei gadw'n gyfrinachol.

• Manylion cyswllt y Gymdeithas Anhwylderau Bwyta Opens new window