Gwefan llywodraeth y DU

Pa sgiliau a chymwysterau fydd eu hangen arnoch?

Mae mwy o gyflogwyr yn chwilio am bobl sydd â sgiliau a chymwysterau da. Gall datblygu eich sgiliau eich helpu i roi’r cyfle gorau i chi gael yr yrfa yr hoffech ei chael – ac mae mwy o gyrsiau i chi ddewis ohonynt nag erioed.

Eich dyfodol, eich dewisiadau

Bydd gennych benderfyniadau pwysig i’w gwneud ym Mlwyddyn 9. Bydd gennych ddigon o opsiynau, ond os ydych wedi rhoi’ch bryd ar yrfa benodol efallai y bydd rhai dewisiadau’n arbennig o ddefnyddiol.

• Eich penderfyniadau ym Mlwyddyn 9 (adran addysg a dysgu)
• Dewisiadau yn 16 (adran addysg a dysgu)

Os byddwch yn penderfynu mynd i weithio, mae’n syniad da chwilio am swydd gyda hyfforddiant. Mae prentisiaethau a’r cynllun Amser o’r Gwaith ar gyfer Astudio neu Hyfforddiant yn ddwy ffordd o gael cymhwyster tra’r ydych yn gweithio.

Os ydych yn chwilio am swydd, gall cynlluniau fel Mynediad at Waith eich helpu i feithrin eich sgiliau a gwella eich cyfleoedd.

• Sgiliau ar gyfer gwaith os ydych chi dan 19 oed (adran addysg a dysgu)

Addysg uwch a’ch gyrfa

Gall addysg uwch gynnig cyfleoedd gyrfa newydd, ac mae mwy o ffyrdd o fynd i’r coleg neu’r brifysgol nag erioed.

• Addysg uwch a'ch gyrfa (adran addysg a dysgu)

Sbarduno’r broses o gynllunio eich gyrfa

Nid yw hi byth yn rhy gynnar i ddechrau meddwl am yrfaoedd. Cadwch lygad allan am ffeiriau a digwyddiadau – yn enwedig rhai sy’n canolbwyntio ar yrfa rydych yn ei hystyried. Cofiwch y gallwch fanteisio mwy arnynt os byddwch wedi paratoi ymlaen llaw. Bydd cynghorydd gyrfa yn gallu rhoi rhywfaint o awgrymiadau i chi ar sut i baratoi.

Os ydych yn dilyn cwrs ac yn bwriadu cael swydd pan fyddwch wedi’i orffen, dechreuwch baratoi ymhell ymlaen llaw. Sicrhewch eich bod yn gofyn am ganiatâd y sawl yr hoffech ei nodi fel canolwr.

Gallwch gael cyngor ar geisiadau swyddi a llunio CV yn ‘Cael eich swydd gyntaf’.

• Cael eich swydd cyntaf

Mae’n ddefnyddiol meddwl am gynllun wrth gefn rhag ofn na fyddwch yn cael eich swydd ddelfrydol ar y cynnig cyntaf. A fyddai astudiaeth bellach yn gwella eich cyfleoedd? Beth am wneud rhywbeth yn eich amser hamdden sy’n gysylltiedig â’r yrfa rydych am ei chael?

Os ydych yn rhy hwyr yn cael eich lle ar gwrs ar ddechrau’r flwyddyn academaidd nesaf, byddai'n ddefnyddiol meddwl am yr hyn y gallwch ei wneud i wella eich rhagolygon am yrfa.

Mae’r opsiynau yn cynnwys cael swydd dros dro, gwirfoddoli neu gael rhywfaint o brofiad gwaith drwy fynd ar leoliad. Gallwch hefyd wneud ymchwil i weithgareddau blwyddyn fwlch.

• Profiad gwaith a gwirfoddoli
• Trefnu blwyddyn fwlch

Cymorth i gynllunio’ch gyrfa

Os nad ydych yn siŵr beth i’w wneud nesaf yn ystod unrhyw gam, mae digon o help ar gael. Ewch i ‘Dod o hyd i yrfa sy’n addas i chi’ i gael syniadau ar lle i fynd i gael cyngor.

• Dod o hyd i yrfa sy’n addas i chi

Mwy o bethau i'w hystyried

Unwaith y bydd gennych syniad da o ble rydych am fynd gyda’ch gyrfa, mae nifer o bethau eraill y bydd angen i chi eu hystyried – fel cyflog, lleoliad a’r farchnad swyddi.

Pan fyddwch yn barod i chwilio am swydd, mae hefyd yn ddefnyddiol ystyried sut fath o waith fyddai’n addas i chi. A fyddwch yn chwilio am drefniadau hyblyg i’ch helpu gyda threfniadau astudio neu ofal plant? Neu a yw'r syniad o weithio i chi’ch hun yn apelio atoch?

• Pa fath o waith fyddai'n addas i chi
• Ystyriaethau gyrfa (adran ceiswyr gwaith)

Mwy o ddolenni defnyddiol

• Eich hawliau a chyfrifoldebau yn y gwaith
• Cymorth gyda chyflogaeth (adran pobl anabl)