Gwefan llywodraeth y DU

Beth yw Mediabox?

Cynllun yw Mediabox sy'n rhoi arian i bobl ifanc ddifreintiedig yn byw yn Lloegr sydd â syniadau am brosiect cymunedol creadigol.

Mae Mediabox yn cael ei weithredu ar wahân i'r Gronfa Cyfleoedd Ieuenctid a'r Gronfa Cyfalaf Ieuenctid, felly mae'r broses ymgeisio'n wahanol.

Os yw'ch cais yn llwyddiannus, bydd modd i chi gael llawer o wybodaeth a chyngor defnyddiol gan arbenigwyr Mediabox er mwyn gwneud eich prosiect hyd yn oed yn well.

Sut mae Mediabox yn gweithio?

Mae gwahanol fathau o gyllid ar gael. Gallwch ddefnyddio'r arian i ddatblygu syniad creadigol newydd neu i hyrwyddo'r gwaith yr ydych wedi ei wneud yn barod i gynulleidfa fwy. Y grantiau yw:

• 'My Mediabox' - grantiau o £100 i £1,000 i unigolion neu grwpiau bach o bobl ifanc yn eu harddegau
• ‘Mini Mediabox’ – grantiau o £1,000 i £5,000
• ‘Mid Mediabox’ – grantiau o £1,000 i £20,000 ar gyfer prosiectau cyfryngau mwy
• 'Mix Mediabox' – grantiau rhwng £5,000 a £20,000 ar gyfer prosiectau cyfryngau sy'n dod â phobl ifanc o wahanol gefndiroedd a ffydd at ei gilydd o nifer o wahanol ardaloedd
• 'Big Mediabox' - grantiau (hyd at £80,000) a all helpu mudiadau sydd â chynlluniau tymor hir ar raddfa fawr
  

Mae Mediabox am i'r holl brosiectau y mae'n eu noddi gael eu gweld a'u clywed gan gymaint o bobl â phosib. Felly os byddwch yn ymgeisio, ystyriwch sut y gallech ei hyrwyddo'n genedlaethol yn ogystal ag yn lleol.

Os ydych chi'n cael grant, cofiwch y bydd Mediabox yn rhoi cymorth i chi gyda'r holl drefniadau ymarferol a'r agweddau cyfreithiol sy'n gysylltiedig â chyhoeddi'ch gwaith ym myd y cyfryngau.

• Cael mwy o wybodaeth am y gwahanol fathau o grantiau Mediabox Opens new window

Meddwl am syniad

Felly, pa fath o brosiectau allwch chi eu creu gyda grant Mediabox? Dyma rai syniadau:

• dylunio a datblygu gwefan sy'n cynnwys llefydd a digwyddiadau ar gyfer pobl ifanc yn eich ardal
• ysgrifennu a chyfarwyddo ffilm fer, yn rhoi sylw i'r materion sy'n ymwneud â throseddau gyda gynnau yn eich tref chi
• datblygu gêm ryngweithiol ar gyfer y rhyngrwyd
• cynhyrchu rhaglen ddogfen radio gyda MCs a DJs lleol
• sefydlu gorsaf deledu ar y rhyngrwyd

Y syniad yw y gallwch ddefnyddio eich prosiect i wneud y canlynol:

• mynegi eich barn a'ch syniadau
• gadael i bobl eraill wybod sut beth yw byw yn eich ardal
• datblygu’ch sgiliau a'ch talentau
• cael hwyl
  

Sut i wneud cais

I wneud cais am grant Mediabox, ac i gael mwy o awgrymiadau am sut i wneud yn siŵr bod eich cais yn wahanol i un pawb arall, ewch i wefan Mediabox.

• Cael arian ar gyfer eich prosiectau ym myd y cyfryngau gan Mediabox Opens new window