Website of the UK government

Beth yw Pass Plus?

Cwrs hyfforddi yw Pass Plus wedi'i anelu'n benodol at gyrwyr newydd, a hwnnw wedi'i gynllunio gan yr Asiantaeth Safonau Gyrru (DSA) gyda chymorth yswirwyr a'r diwydiant hyfforddi gyrru. Bydd Pass Plus yn adeiladu ar y sgiliau a'r wybodaeth sydd gennych ar hyn o bryd, gan eich dysgu sut i ragweld pob math o beryglon, cynllunio ar eu cyfer ac ymdopi â hwy, ac fe all eich helpu i fod yn fwy hyderus ar y ffyrdd

Mae Pass Plus wedi'i rannu'n chwe modiwl ymarferol sy'n cynnwys:

Gall unrhyw un sydd â thrwydded lawn y DU gymryd rhan yn y cynllun. Ni fydd rhaid i chi sefyll prawf ar ddiwedd y cwrs ond fe gewch eich asesu drwy gydol y cwrs. Rhaid i chi gwblhau'r holl fodiwlau yn y cwrs i safon dderbyniol.

Faint mae Pass Plus yn ei gostio?

Bydd y ffioedd ar gyfer y cwrs Pass Plus yn amrywio yn ôl ble rydych chi'n byw ac ar yr hyfforddwr neu'r ysgol yrru y byddwch yn eu dewis. Dylech fod yn ymwybodol y bydd y cwrs yn para o leiaf chwe awr, ac os bydd angen mwy o sesiynau arnoch i gwblhau'r cwrs yn llwyddiannus, efallai y bydd hyn yn ychwanegu at y gost.

Pan fyddwch chi wedi cwblhau'r cwrs yn llwyddiannus, fe'ch cynghorir i weld a oes gostyngiadau ar gael gan y cwmnïau yswiriant sy'n cymryd rhan yn y cynllun. Bydd yr arian y byddwch yn ei arbed yn dibynnu ar y cwmni dan sylw, ac efallai y gallech arbed mwy nag y bu i chi ei dalu am y cwrs hyd yn oed.

Am ragor o wybodaeth am Pass Plus, ewch i wefan Pass Plus drwy ddilyn y ddolen isod

• Pass Plus Opens new window